Luke 1:67-77

⁶⁷Ta Ioni tamana Sakalaia Niboana Gwalagwalana luveagatunaʼia ʼinega simana ʼifoqe vonaya,

⁶⁸“Kaiwabu kana awatuboi, tauna me Isileli eda Yaubada, mana niʼau vayausida be toa vita ʼinega liʼamida.

⁶⁹ʼInega Yaubada ena tofewa tubuda Deibida ena gadeyega ada Toʼetoyavua veʼifoqeyea ʼidaya, ta tauna Tovewaiwai vaʼine.

⁷⁰Yaubada ena vona diavona baʼe lova tovesimasimana nugwenugweidi imaduvonayedi,

⁷¹vonigo naʼetoyavuida ada aviayavo ta wese ada tonogayavo ʼidiega.

⁷²Ta wese lova vona fofofola be vonigo tubudavo nanuakolokoloyedi ta ena vona fofofola gwalagwalana ge nanuafania.

⁷³Ta baʼe vona fofofola nana Yaubada tubuda Ebelamo neia,

⁷⁴be vonigo nayavuida ada aviayavo ʼidiega be yaqisa me eda giwalifatu kana fewa weaqina.

⁷⁵Ta tuta qabuna eda ilivu aqiaqina ta tunutunuqina Yaubada matanaya.

⁷⁶Ta oʼa natugu, ina gabeu Yaubada Toatoa Vanena ena tovesimasimana, mana oʼa nawale una nugweta be eda Kaiwabu ena ʼeda una ʼivaʼavaʼaia.

⁷⁷Ta wese ena tomotauyavo una vematamagilafuyedi be edi ilivu luveifana nanuataqodi, ʼinega adi fata ʼetoyavua ina lobea.