Lucas 1:67-77

⁶⁷Niyan, ada na kan Zacarias na iya ama an gahom san Espirito Santo kaya nagsabi,

⁶⁸“Umawon an Ginoo na Dios san Israel kay nagpakadi siya kag ginlibre an iya mga tawo.

⁶⁹Nagpadara siya sa aton sin makagagahom na Parasalbar hali sa lahi san iya suruguon na si David.

⁷⁰Ini ginpahayag san Dios paagi sa iya mga banal na propeta kasadto na mga panahon

⁷¹na isalbar kita niya sa aton mga kaaway kag sa tanan na nababadli sa aton.

⁷²Ginkaluuyan niya an aton mga kalulululuhan sugad san gintuga kag nadumduman an iya banal na ginsumpaan.

⁷³Ini an gintuga kan Abraham na usad sani

⁷⁴na pagasalbaron kita sa aton mga kaaway agod wara kitaʼn kahadlok na makasirbe

⁷⁵sa kabanalan kag katanusan sa atubangan san Dios sa tanan na adlaw san aton pagkabuhay.”

⁷⁶Paglingi niya sa bata nagsabi siya, “Anak ko, pagatawagon ka na propeta san Dios na Pinakalabaw sa tanan. Mauuna ka sa Ginoo agod ipreparar an aagihan niya

⁷⁷kag ipaaram sa iya mga tawo na masasalbar sinda paagi sa pagpatawad san inda mga kasal-an.