Luke 1:67-77

⁶⁷John numamo Zechariah, Asisi Kakara ai vose asugetiri, God da Geka ava itatamuse geka evia sisira:

⁶⁸“Namonde Israel embo da Bajari God dae sakai saore, nu fira nunda fakinaimi namonde sonembusira ava sedo.

⁶⁹Nune namonde sonembare dae sedo, Sonemba Kato tomanako, nunda gimasa David da imendi eni ava futusira.

⁷⁰Anakora beká, God setiri nunda ferovetaimi gembero irira:

⁷¹‘God namondeda gitofu ava kosegari namonde jebugarera. à kotugo, evetu genembo namondekena gitofu eraera, ainda ungoda ghe saghimbe bari jebugarera,’ aminge gembero irira.

⁷²Nune namondeda abuamanedae joka edo, nunda beka gajari kakara ava, kaifa ari sisira.

⁷³Namondeda abua agira beká Abraham kena beka gagojuse, sisira, ‘Ninda gitofu ã ninda sasingu da gitofu ava, nane kosegaono jebugareva. Nenda gitofudae jo oju ae, namoá tumonde bainghedo ghareva.

⁷⁵Aminguse, ne evovodae nanda natofo kakarago beká ava use irareva.’” Zechariah aminge sedo, jovereghe nunda kokoi John kena eminge sisira,

⁷⁶“Nanda mandi, ninda geka barago irira: God Teria Beká, nunda Geka ava isagha saso dae sedo, ni gategusira. Ni giti yama, Bajari da emboro esimbugaresa.

⁷⁷Bajari nu nange nunda natofo da ari ekoko kote doyari jebugarera ava, nemokena osa saso ningarera.