San Lucas 1:67-77

⁶⁷Ya si Sacharias, tataña, bula Espiritu Santo ya japrofetisa, ilegña:

⁶⁸Bendito y Señot, y Yuus y Israel; sa jabisita ya jafatinas y redension, para taotaoña,

⁶⁹Ya janacajulo para jita un canggelon y satbasion, gui guima y tentagoña as David,

⁷⁰(Taegüijija na jasasangan gui pachot y mañantos na profetaña, ni esta gaegue guinin tutujonña y tano),

⁷¹Satbasion gui y enemiguta yan gui canae todo y chumatliijit;

⁷²Para umafanue y minaaseña gui mañaenata, ya umajaso y santos na tratoña;

⁷³Y juramento ni manjula as Abraham ni tatata,

⁷⁴Na güiya unaejit linibreta gui canae y enemiguta ya utasetbe güe sin minaañao,

⁷⁵Y sinantos yan y tinunas gui menaña todo y jaanita.

⁷⁶Ya, jago, patgon, unmafanaan profetan y Gueftaquilo; sa unjanao gui menan y Señot para unfamauleg y chalanña;

⁷⁷Para ufanamatungo y satbasion gui taotaoña ni y maasiin y isaoñija,