Luka 1:67-77

⁶⁷Tɨmbi Dɨndɨm Woñdɨ Yoanelok beu Sakalaialok gɨnan tokñeumbi, Yambattɨ manda eelok nɨñguk wolok tuop embi, ñɨndɨñ eñguk,

⁶⁸“Nɨndɨ Wopum, Islaellok Yambat, en kusei ñɨndɨñda nɨ-kɨndekɨndem tɨ-ñɨmɨna: endɨ amatamñii nandɨ-nɨmbi, toptop kolan gɨnañ nanin nɨp tuambi, nɨp kɨmɨkuk.

⁶⁹Endɨ enlok kena aman Devit endok komblinñii boñgɨpsɨnan nanin ama gembɨnat no nɨp kɨmɨlektok tɨmbɨ inda-nɨmguk,

⁷⁰wɨn damañgan plofet amañiila enbɨmbi eñgɨlɨñ wolok tuop.

⁷¹Endɨ kanjɨknii ba ama gɨtɨk nandɨ-kola tɨ-nɨmañ endok kɨsɨnan nanin nɨpma tɨkeuktok wɨndɨñ tɨñguk.

⁷²Endɨ bep pañnii busuk mamasa tɨ-sembi, en gɨta toptop tɨñguk wɨn nɨm nandɨ-kamalaukak.

⁷³Endɨ enlok koi plon sotnɨ Ablaam ñɨndɨñ nɨ-kwambɨñ dañguk:

⁷⁴endɨ nandɨ-nɨmbi, kanjɨkniilok kɨsɨnan nanin nɨpma tɨkembi, nɨp tɨmbɨ pañgɨtaumbi, mɨsɨmɨsɨ nɨmnat nɨ-wowoñ tɨñɨpi,

⁷⁵kuamɨñ tuop endok dainan gɨñgɨtñiiñgot dɨndɨm ku-ta-lonekamɨñ.

⁷⁶Tɨmbi nɨñana dɨkok kandañ nak ñɨndɨñ elet: Yambat Loloñ Sɨnɨk endɨ dɨk enlok plofet aman ganbekak. Nekta, dɨk Wopumdok telak dama tɨmbi, telak tɨ-dɨndɨm e-ñɨmekañ,

⁷⁷wɨn dɨk amatamñii ñɨndɨñ enɨ-daut tɨ-semekañ: ‘Wopumdɨ sepmektok nandɨlak, wolok tuop yomjɨ bi-samekak.’