Lucas 1:67-77

⁶⁷Aituo myakâwâm Deus Ispiritury, Zacarias enomery nhuduly. Deus aguehobyry nhegatuly:

⁶⁸— Koendonro mawyly wâgâ xina aguely, pymâ Deus! Xina israelita domodo xurâem koendonro âmâ. Kâmaynodâpa xina etyze mâedâ. Âynynonro modo memake.

⁶⁹Xina emakerim ton-honreim migonodâ, pymâ Davi iwerypyry.

⁷⁰Âunâry egatuwâni modo agâlâ myakâwâm amyguely: “Igonose urâ Davi iwerypyry, Messias” myguely. Amyguehobyry aralâ amidyly.

⁷¹“Imakezemo urâ âduerymo amaymba. Âizepanromo amaymba warâ” myguely.

⁷²“Âtyendâmolâ ise urâ, âweonmo lâpylâ warâ. Agâmo auguehobyry kâenanânehonwâbyra ise urâ” warâ myakâwândy xina idamudoram amyguely.

⁷³Saguhoenlâ myakâwândy xina idamu Abraãoram amyguely: “Âweompyry modo iduery amaymba emakeze urâ, tyanepa auguehobyry anhetomoem. Auguehobyry agânhepyra witaymba urâ” myguely myakâwâm.

⁷⁵Warâ myakâwândy amyguely, aunloenlâ, xina israelita domodo âmâenlâ itoem, ize mato lelâ xina anhetoem warâ — kely Zacarias, Deusram.

⁷⁶Ilâpygueduo, Zacarias tymeryram aguely: — Ymery, Deus Ton-honreim xunâry aguenri ise âmâ. Pymâ tâgareim iray todohondyly wâne saintodâ, myara ise Kywymâry saindyly iray kurâ domodo mâunrudyly.

⁷⁷Warâ ise israelita domodoram amyguely: “Deus kâmakeze. Inakanhe aguitobyry Deus xygakeze” myguely ise, ymery.