Aposotolo Adi Hewau 28:20-26

²⁰Arinai ede ea eogaimiu ta bena ea itamiu, eo ta ribariba: Isaraela edi aba sunuma debana eai maina poasi eai se auauigu ta.”

²¹Isi ia se heriba si ene, “Uriuri Iudea eai se laoma nige wasam baaeana esau ai ataiei, ehamaiyao headi hinage se laoma arimai eai nige wasa aisana se ribaei bena arinai se hegirum.

²²Em nuatu bena ai ataiei: ina peledi ta, wasadi ai ita dimo gamagamagari tatao si ene isi se baaea.”

²³Asubena esau se ribanonohaiyao, gamagaridi abo se laulau ena numa eai se bawa, Eaubada ena basileia ribana i riba hasahasaidi, Iesu ribana hinage i henuapaipaidi, Mose laugagaeo bukana alona eai, eo peroveta bukana hinage, maratomtom eai i ribahetubu, i lau e, i maimailahi.

²⁴Isi headi riba wa ie ribaei se ataiei, na headi hinage nige se atai‐lobai.

²⁵Isi nige nuadi esega na se laugorigori, Paulo riba esega i heriba‐bagunaedi, i ene, “Earua Tabuna ie riba mamohoi Isaia peroveta awana eai, tamadayao aridi eai, i ene:

²⁶‘U lau tatao ta; aridi eai, u ene, Abo au ataiei, mamohoi, na taba nige au atailobai, abo au ita, na taba nige au italobai.