Loc Hechos 28:20-26

²⁰Mei jira omoɨ dɨga cue úrillena jɨ́ɨritɨcue. Mei caɨ bie daje Israel náɨraɨdɨcaɨ. Daje caɨ Mesías billɨ́fuemo comécɨidɨcaɨ; daje izói meine abɨdo caɨ cáaillɨfuemo úiñoidɨcaɨ. Afe caɨ úiñoigafue ɨ́coɨniadɨ birui benó llavécamɨe cue llavéinana ja cɨódɨomoɨza.

²¹Jira íena daɨdíaɨoɨ: —Jaca daabe o fɨnócafuiaɨ lluabe caɨmo dúcɨñede. Daje izói afénomona bite ámatɨaɨ judíuaɨ o mámecɨdo fɨénidɨfuiaɨna nítaɨbiñediaɨoɨ.

²²O comecɨ fácafuiaɨmo cacáreacadɨcaɨ. Mei náganɨiaɨmo afe bie comue Jesumo jaɨnáidɨnona onódɨcaɨza uáitaoidiaɨoɨ, —daɨí íena daɨdíaɨoɨ.

²³Ie jira meine íaɨoɨ cacáillɨrui mamédiaɨoɨ. Afe maméinaruimo aillo naɨraɨ Pablo illácomo nane gaɨrízaɨbitiaɨoɨ. Jítɨramona ua nauízaidemo Pablo Juzíñamui illáɨmana illafue íaɨoɨmo llote. Moisés ocuica uáillaɨdo Pablo Jesús dɨbénemo íaɨoɨna ɨ́ɨnotaacade. Afe llezica Juzíñamui uai jino llóraɨnɨ cuega uáillaɨdo Jesumo íaɨoɨna ɨ́ɨnotade.

²⁴Dárie Pablo llogáfuemo ɨ́ɨnuaidiaɨoɨ, ie mei jɨáɨmacɨ ɨ́ɨnoiacañediaɨoɨ.

²⁵Mei íadɨ nana dáafuemo comécɨiñenamona raɨízɨtiaɨoɨ. Como raɨíacadiaɨoɨmo Pablo íaɨoɨna daɨde: —Ñuera Joreño caɨ jaiáidɨgɨmacɨmo uai jino lloraɨma Isaíado ñue úrite. Afémɨe daɨde:

²⁶Baimácɨmo bifue lluájiri, daɨde: Omoɨ uafue aféfuena cácaitɨomoɨ íadɨ áfena ónoñeitɨomoɨ. Omoɨ uáfuena cɨ́oitɨomoɨ íadɨ ñue fɨ́dɨñeitɨomoɨ.