تَرُشُي 28:20-26

²⁰نَ نَ عَ رَ، ﭑ نَشَ وَ وٌ تٌقٍ عَلَكٌ ﭑ شَ وْيّن وٌ رَ، بَرِ مَ عِسِرَيِلَكَيٍ شَشِلِ تِشِ شّيرَ نَشَن نَ، نَ شَ قٍ نَن عَ تٌشِ عٍ يِ يْلْنشْنيِ سَشِ ﭑ مَ.»

²¹عٍ نَشَ عَ يَابِ، «مُشُ مُ بَتَاشّ يٌ سْتْشِ عِ شَ قٍ رَ كٍلِ يُدَيَ. وٌن نفَشَكٍرٍنيِ يٌ مُ قَشِ قٍ حَاشِ قَلَدٍ عِ شَ قٍ رَ.

²²كْنْ، مُشُ وَ مَ عَ كٌلٌنقٍ نّ عِ نَشَن مَحْشُنشِ، بَرِ مَ مُشُ عَ كٌلٌن عٍ يِ دِينّ شَ قٍ عِبَشَنتِنمَ يِرٍ بِرِن.»

²³ثْلُ نَشَ لْشْي كٍرٍن سٌ عٍ يِ. مِشِ وُيَشِ تٌ قَ عَ شْنيِ، ثْلُ نَشَ عَلَ شَ مَنفّيَ سٍيدٍحْشْيَ بَ. عَ نَشَ عِسَ شَ قٍ مَسٍن عٍ بّ تَوُرٍتَ مُنسَ نُن نَمِحْنمّيٍ شَ كِتَابُي سَابُي رَ كٍلِ فّيسّفّ هَن نُنمَرٍ.

²⁴ندٍيٍ نَشَ لَ عَ رَ، كْنْ بٌورٍيٍ مُ دَنشَنِيَ.

²⁵عٍ تٌ نُ قَتَنمَ لَنتَرٍيَ كُي، ثْلُ نَشَ يِ مَسٍنيِ سَ عَ قَرِ، «عَلَ شَشِلِ سّنِيّنشِ عَ قَلَ نّ وٌ بٍنبَيٍ بّ نْندِ كِ مَ عَننَبِ عٍسَيِ سَابُي رَ. عَ نَشّ،

²⁶‹سِفَ يِ مِشِيٍ شْن مَ، عِ شَ عَ قَلَ عٍ بّ؛ “وٌ عَ مّمَ وٌ تُلِيٍ رَ، كْنْ وٌ مُ عَ قَهَامُمَ. وٌ عَ تٌمَ وٌ يَيٍ رَ، كْنْ وٌ مُ عَ عِفبّمَ.”