Aposol 4:8-21

⁸Pitana Ruotge Avamu'mo avite'nea ne'mo, zamagri kenona anage hu'ne, tra kere ugagota hu'naza vahe'ene ranra kva vahere,

⁹menima knare tavutva'ma kri ne'ma hunte'no'a zantema, tagri'ma refko hutma tagesnazana, na'amo higeno ama nera kri'amo'a atrente'ne nehazana,

¹⁰tamagra ne Israeli vahe'enena antahi ankereho. E'i Nazareti Jisas Kraisima tamagra ma aheta hantizageno, Anumzamo'ma azeri oti'neama, e'ina ne'mofo agire, amama tamugama oti'nea nera kri'amo'a knare huntegeno oti'ne.

¹¹Ama ana Jisasina, Tamagra nogi vahe'motma tamavesra hutma retufe atre'naza haveagi, e'i ana havemo'a no renagentete azeri hanaveti have fore hu'ne. (Sam-Zga 118:22)

¹²Mago vahe'mo'e huno tza huga osu'ne, na'ankure ama mopafi vahe'motafina, tahokehehesia agi'a ontami'neanki, magoke ne' Jisas Kraisi agifi, Anumzamo'a tahokehegahie.

¹³Anante'ma ana vahe'mo'za znagazana, Pitake Jonikea, kema ha'ana korera osake'za, zanagrira antahi ama hu'za, avonona osuke, nontega ne'tremoke Jisasi'enena mani'na'e hu'za antahi ama nehu'za tusi antri nehu'za, nankna'za fore nehie hu'naze.

¹⁴Ana higeno azeri so'e hunte'nea ne', znagranema oti'nege'za nege'za, anazanku kema huznantekea omane'ne.

¹⁵Hianagi kva vahe'mo'za huznantegeke ana atru zamifintima atirami'ne fegia vake'ne, zamagrazmi ke hugantugma hu'za,

¹⁶anage hu'naze, ama netrena na'a huznantegahune? Na'ankure ama kri ne' azeri so'e'ma hu'nea kaguvazamo'a, mika Jerusale mani'naza vahe'pina amate hige'za hago ke'nazankita tagra onke'none huta hufra okigahune.

¹⁷Hianagi ama kemo'ma mago'ane vahepima vuno'eno osanigura, kore ke znasamisunke'ne, mago'ane ama ana agirera mago'a vahera ozanasmisaze huta zanasamisune.

¹⁸Pitane, Joninena ke hzageke efrake'za zanasmi'za, mago ene Jisasi agirera vahera zamasmige, rempi huzamige osutfa hi'o, hu'naze.

¹⁹Hianagi Pitake Jonikea, anage huke ke nona zamire hu'na'e, Anumzamofo avurera knare, tmagri ke antahisupi, Anumzamofo ke antahigahu'e, tamagra tmi fako huta antahiho.

²⁰Na'ankure tagra keta antahita huno'a zante keaga nehuankita, tagra'ma kema tagane'zamo'a amuho hurantegahie.

²¹Anama hu'za mago'ane korekema huznantete'za, kina huzanante kankmuna hake'za eri fore osu'za hu'zanantage'ne vu'na'e. Na'ankure ana mika vahe'mo'za e'inahu zama fore hiazankura Anumzamofo ra agi amizage'za nege'za, vaheku koro hu'naze.