Aisea 11:1-4

¹Na lelaṉa si kote tuvulu vura koasa dadagana e Zese; koasa karosona si kote ari vuana si keke Lelaṉana sa.

²Sa Maqomaqona e Zihova si kote kamo koasa, sa Maqomaqo ginilagilana meke binokaboka, sa Maqomaqo vinari tokae pa binalabala meke ṉiniraṉira, sa Maqomaqo tinumatumae meke pinamaṉana e Zihova,

³meke kote qetu nia Sa sa vina tabena e Zihova. Lopu kote vilavilasa si Asa luli gua pa dinogoro pa mata, babe varipitui pa inavoso pa taliṉana,

⁴ba pa tinoṉoto si kote pitui Sa saripu loke dia, pa vinilasa toṉotona si kote tavete valeana la si Asa koari pu malaṉa pa popoa pepeso. Sa kolu pa ṉuzuna si kote seke nia Sa koasa popoa pepeso, koasa siniṉo pa beruna kote seke va mateni Sa sari tie kaleadi.