Isaiah 11:1-4

¹Di hagatau o di madawaawa David le e hai be di laagau dela ne hele gi lala. Gei di maa e matilitili aga nia dama i di gili di tono di laagau deelaa, e hai be di King hoou dela ma ga gila aga i lodo di madawaawa David.

²Di Hagataalunga o Dimaadua gaa wanga gi Mee di iloo mee mo di kabemee, mo di hangaahai o di dagi ana daangada. Gei Mee ga iloo Ia di manawa Dimaadua ga hagalaamua a Mee,

³ga gidee Ia dono manawa tenetene i dono hagalongo ang gi Mee. Gei Mee hagalee hagi aga ana mee ala e gidee Ia, be i ana mee ne longono ai.

⁴Mee ga hagi aga digau ala e hagaloale gi di mee dela e donu, ge Ia ga hagamaamaa digau ala nadau hagamaamaa ai gii donu. Gei Mee ga hagaduadua ge ga daaligi digau hai mee huaidu gii mmade gi ana helekai.