1 Samuel 8

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

¹Samuel seredgusgua, Israel-dulemarga-igar-nabogega, na e-machimala-onug-imaksad. We-machimala, Beerseba-neggweburgi igar-nabogedga maigusmalad.

²E-machi-dummadi, Joelʼye-nugad, a-yarbaliddi, Abíasʼye-nugad.

³Ar Samuel-e-machimaladi e-bab-daedba gwen nanassurmalad, igar-innikigwadba ibmar-imaksurdamalad. Unnila maniginbi bur bule binsadidamalad. Degisoggu, dule-ega-mani-ukoed bur bendakdedamalad.

⁴A-ulale, Israel-girmar-dummagan na igar-itosmalad. Geb Samuelʼbo-sunmakega Ramá-neggweburse nadmalad.

⁵Ega sogdapmalad: “Bedi bato seredgusad. Be-machimala be-daedba gwen-nanasurmalad. Degisoggu, igi dule-bamalad-yar-baid-baidgi-bukwamalad na rey-nikamala, deyob bur be anmarga rey-amisundo, anmar-dummadga megegar.”

⁶Israel-girmar-dummagan rey-abeye Samuelʼga sogsamargu, Samuel abin isdar itosad. Degidbali, Samuel Bab-Jehováʼse gorsii gusad.

⁷Agi, Bab-Jehová ega sogded: “Israel-dulemar isdar-be-daksurmalad, anbi-unnila isdar-an-dakmalad. Ar e-dummadga-gued an-abesurmalad. Degisoggu, bega-ibmar-sogedba ega be imako.

⁸An Israel-dulemar Egipto-yargi-onosad-akale, emi-ibase, bab-dummagan-baiganse-goled-ulale, an-obacha gudimalad. Degisoggu, deyob be-imaknanaimarmogad.

⁹Degisoggu, bega-ibmar-sogedba ega be imake. Ar degi-inigwele, iduakwaa ega nue be sogo, igi rey-megoed be-imakmaloe.”

¹⁰Geb degine Samuel, igi-Bab-Jehová ega ibmar-sogsa, deyobi, dulemar-ese-rey-egisnanaidga sogsamogad.

¹¹Samuel ega weyob sogsad: —Rey-bemar-dummadga-megoedi, weyob bemar-imakoed: Rey be-machimala be-annik suoed, e-ur-napagined-bila-onogedgi-arbamalaga, e-moli-bila-onogedgi-arbamalaga, degi, e-ur-napaginedga-igar-egamalaga be-annik suoed.

¹²Deginbali, we-rey, be-machimala-baigan sorda-miligwenad (1,000) e-dummadga-guega subaloed, sorda-dulabo-gakambe (50) e-dummadga-guega subaloed. Be-machimala-baigandi, rey-nainumargi napa-imuega, degi, e-ibmar-gwag-weega subaloed. Degi, rey, be-machimala-baigandi, bila-onoedgi-ibmar-ebumalad-sobega, degi, ur-bila-onoged-e-gingimar-sobega be-annik subaloed.

¹³”Deginbali, we-rey, be-bunamala be-annik subaloed, ega-gwallu-wawa-imakedga, ega-mas-duedga, degi, ega-madu-yoedga be-annik suoed.

¹⁴”Deginbali, we-rey, be-nainugan-bur-nuegan be-annik suoed, be-uva-nainumar-bur-nuegan, be-olivo-nainumar-bur-nuegan e-dule-dummaganga-ukega be-annik suoed.

¹⁵Deginbali, be-ibmar-gwag-weemaloed, be-uvaʼmar-weemaloed, nibirambegi nibir-gwensak (10%) be-ibe suoed e-arbamaladga ukega, degi, e-dummaganga ukega be-ibe suoed.

¹⁶”Deginbali, be-mai-machergan, be-mai-omegan, be-moli-alugwasualed-sapingwad-bur-nuegan, be-moli-uayasuid-bur-nuegan ega arbamalaga be-ibe subaloed.

¹⁷Degine, rey, be-sibad-wawaadmar-warambegi gwensak (10%) be-annik suoed, geb bemar-sunnad e-maiga gunonimarmogoed.

¹⁸”A-ibagan nagunonikile, na be rey-amismalad-ulale, be nunmak-itononimaloed. Geb degine, bemar Bab-Jehováʼgi wilearmalale, Bab-Jehová bemar-bendakosulid.”

¹⁹Ar Samuel deyob ega sogsad-inigwele, Israel-dulemardi, Samuel-sogedba gwen-ibmar-imaksasurmalad, aka bur sogdemalad: —¡Baisuli! Anmar rey-abege, anmar-dummadga megegar.

²⁰Adi, anmar, dule-bamalad-yar-baid-baidgi-bukwamaladyob gumogoed. Anmar bila-ononadele, rey anmar-idugoed. A, anmarga negsemai guoed.

²¹Samuel, dulemar-ibmar-abeged-itosgua, Bab-Jehováʼga bela sogsad.

²²Bab-Jehová, Samuel-abin sogded: —Israel-dulemar-sogedba be ibmar-imako. Ega be rey-onugsao. Geb degine, Samuel Israel-dulemarga sogdesunnad: —¡Degiirdi nabirdo! ¡Be-neggwebur-be-neggweburse gannar be namala!