1سَمُوٍلِ تٌ قٌرِ، عَ نَشَ عَ شَ دِيٍ قِندِ كِيتِسَيٍ رَ عِسِرَيِلَ شُن مَ.
2عَ شَ دِ شّمّ سِنفٍ شِلِ نّ يٌوٍلِ، عَ قِرِن ندٍ شِلِ عَبِيَ. عٍ تَن نَن نُ نَ كِيتِسَيٍ رَ بٍرِ سٍيبَ.
3سَمُوٍلِ شَ دِ شّمّيٍ مُ بِرَ عٍ بَبَ شَ مِسَالِ قْشْ رَ. كْبِرِ نُ رَقَن عٍ مَ، عٍ مُ نُ كِيتِ سَمَ تِنشِنيِ رَ.
4نَ كُي عِسِرَيِلَ كُنتِفِيٍ نَشَ عٍ مَلَن، عٍ سِفَ سَمُوٍلِ شْنيِ رَ مَ.
5عٍ نَشَ عَ قَلَ عَ بّ، «عِ بَرَ قٌرِ، عِ شَ دِ شّمّيٍ مُ بِرَقٍ عِ شَ مِسَالِ قْشْ رَ. كِيتِسَ ندٍ دْشْ مُشُ شُن مَ نَشَن قِندِ مَ مُشُ شَ مَنفّ شُنفبٍ رَ، عَلْ حَمَنّ بٌورٍيٍ عَ رَبَمَ كِ نَشّ.»
6سَمُوٍلِ تٌ عٍ شَ مَسٍنيِ مّ، عَ قَلَقٍ رَ، «مَنفّ ندٍ سٌ مُشُ يِ رَ نَشَن مُشُ مَكِيتِمَ،» نَ قٍ مُ رَقَن عَ مَ. نَ كُي عَ نَشَ عَلَتَلَ مَشَندِ.
7عَلَتَلَ نَشَ سَمُوٍلِ يَابِ، «عِ تُلِ مَتِ حَمَ شُي رَ. عٍ مُ مّيشِ عِ تَن شَ رَ، عٍ مّيشِ ﭑ تَن نَن نَ. عٍ مُ تِنمَ سْنْن ﭑ شَ قِندِ عٍ شَ مَنفّ رَ.
8عٍ نَشَن نَبَقٍ عِ رَ، عٍ نَ نَن تُن نَبَقٍ كَبِ ﭑ سَ عٍ رَ مِنِ مِسِرَ هَن تٌ. عٍ بَرَ مّي ﭑ نَ، عٍ شَ عَلَ فبّتّيٍ بَتُ.
9يَكْسِ، عِ تُلِ مَتِ عٍ شُي رَ، كْنْ عِ شَ عٍ رَكٌلٌن عَ قَنيِ رَ مَنفّ قَمَ عٍ يَمَرِدٍ كِ نَشّ.»
10سَمُوٍلِ نَشَ عَلَتَلَ شَ مَسٍنيِ بِرِن نَدَنفِ حَمَ مَ، نَشٍيٍ نُ وَ مَ مَنفّ شْن.
11عَ نَشّ، «مَنفّ نَشَن قَمَ دْشْدٍ وٌ شُن مَ، عَ وٌ شَ دِ شّمّيٍ نَن قِندِ مَ عَ شَ سْورِيٍ نُن عَ شَ سٌي رَفِيٍ رَ. ندٍيٍ نُ عٍ يِ عَ رَفِسٍ يَ رَ.
12ندٍيٍ قِندِ مَ يَرٍرَتِيٍ نَن نَ مِشِ وُلُ شُن مَ، شَ نَ مُ عَ رَ مِشِ تٌنفٌ سُولِ. ندٍيٍ عَ شَ شّيٍ بُشَمَ، ندٍيٍ عَ شَ شّيٍ شَبَمَ. ندٍيٍ فٍرٍ سٌسٍ نُن سْورِ رَفِسٍيٍ يَءِلَنمَ.
13عَ وٌ شَ دِ فِنّيٍ نَن قِندِ مَ عَ شَ لَبُندّ يَءِلَنيِيٍ رَ، عَ شَ كُرِ سٌمَيٍ، عَ نُن عَ شَ تَامِفَنيِيٍ.
14عَ وٌ شَ وّنِ سَنسِ قَنيِيٍ نُن وٌ شَ عٌلِوِ وُرِ قَنيِيٍ تٌنفٌ، عَ عٍ سٌ عَ شَ مِشِيٍ يِ رَ.
15عَ وٌ شَ سَنسِيٍ قَرِلّ نُن وٌ شَ وّنِ قَرِلّ تٌنفٌمَ نّ، عَ عَ قِ عَ شَ وَلِكّيٍ نُن عَ شَ مِشِيٍ مَ.
16عَ وٌ شَ وَلِكّ قَنيِيٍ، وٌ شَ قٌنِكٍيٍ، نُن وٌ شَ سٌقَلٍيٍ تٌنفٌمَ نّ عَ يّتّ شَ وَلِ شَ قٍ رَ.
17عَ وٌ شَ شُرُ سٍ قَرِلّ بَمَ نّ، عَ وٌ قَن قِندِ عَ شَ كٌنيِيٍ رَ.
18نَ لْشْي وٌ دّ رَوَ مَ نّ عَلَتَلَ بّ مَنفّ شَ قٍ رَ وٌ نَشَن سُفَندِشِ، كْنْ عَ مُ وٌ يَابِمَ.»
19حَمَ مُ تِن عٍ تُلِ مَتِدٍ سَمُوٍلِ شَ مَسٍنيِ رَ. عٍ نَشَ عَ يَابِ، «عَدٍ! مَنفّ شَ دْشْ مُشُ شُن مَ،
20مُشُ قَن شَ لُ عَلْ حَمَنّ بٌورٍ نَ كِ نَشّ. مُشُ شَ مَنفّ شَ مُشُ يَمَرِ، عَ شَ تِ مُشُ يَ رَ فٍرٍيٍ كُي.»
21سَمُوٍلِ تٌ حَمَ شُي مّ، عَ نَشَ عَ مَدَنفِ عَلَتَلَ بّ.
22عَلَتَلَ نَشَ سَمُوٍلِ يَابِ، «عِ تُلِ مَتِ عٍ رَ. عِ مَنفّ دْشْمَ نّ عٍ شُن مَ.» سَمُوٍلِ نَشَ عَ قَلَ عِسِرَيِلَ حَمَ بّ، «بِرِن شَ فبِلٍن عٍ شَ تَا كُي.»
