1Nyangka Tjamiyultu katja kutjarra kanyiranytja. Palunyalu yirnarringkulalpi-pulanya tjunu Yitjurayilku tjamupirti-pula wangkarra tjurrkurlmaratjaku. Nyangka-parturtu-pula mamangka yarangka tjukarurrulu palyaranytjamunu. Tjiinya wati palyamunulu-ya tjimarri nintiranyangka-pula watjantjamaaltu kumpitjunkupayi palyamunu-ya palyaranyangka.
4Nyangka-ya liita pirni lurrtjurringkula yanu Tjamiyulta watjarnu, “Kulila. Wartalpitjanun yirnarringu. Nyangka-pula nyuntuku katja kutjarralu nyuntula yarangka palyaranytjamunulu palyamunu palyara. Nyangka-munta-lampatjun puurrpa purlkanya ngurrkarntanku? Nyangka-latju puurrpa purlkanya kanyinma, tjiinya ngurra kutjupalu-yanku puurrpa purlkanya kanyira, palunyapirinypa.”
6Nyangka Tjamiyultu kuliralpi Mama Kuurrngatjirratja tjurlpilyarringu. Palunyalu Mama Kuurrta watjarnu, “Wiya, tjapirnu-rniya puurrpa purlkanya-tjanamparna ngurrkarntankutjaku. Nyangka yaaltjinku-rna?”
7Nyangka Mama Kuurrtu watjarnu, “Wiya, palya. Puurrpa purlkanya-tjanampa ngurrkarntarra. Tjiinya-ya nyuntunya wantinytjamaalpa ngayunya-rniya wantingu puurrpa-tjanamparna nyinarranyangka.
8Tjiinya-rniya ngayunya rawalu wantirranytja. Palunyalu-ya yapu wartakutju pupakatirra marninypungkulanytja.
9Yuwa, palya-tjanampan puurrpa purlkanya ngurrkarntanku. Palunyalu-tjananya ngarnmanytju watjala tjiinya-ya puurrpa purlkanyaku kuliltjarra nyinarratjaku. Tjiinya puurrpa purlkanyalu-ya witu-witura nintilpayi kutjupa-kutjupa palyaratjaku.”
10Nyangka mularrpartu Tjamiyultu-tjananya watjarnu, “Yuwa, puurrpa purlkalu-tjananyanta kanyiranytjalu watjalku nyuntuku katja kutjupatjarra-ya warrmarlara yankutjaku. Puru-tjananyanta watjalku nyuntuku katja kutjupatjarralu-ya puru nyuntuku yurntaltu-ya waarka purlkanya palyaratjaku. Puru puurrpa purlkalu-tjananyanta watjalku kutjupa-kutjupa-yan palunyaku nintiratjaku, tjiinya mirrka purlkanya, kuka purlkanya, puru yanamulpa pirninyatarrartu. Tjiinya-yan puurrpa palunyaku waarka purlkanya palyanma. Palunyalu-yan ngulakutju purtu kuli-kuliralpi Mama Kuurrnga tjapinma tjiinya-tjananyanta yirringkankutjaku puurrpa purlkangkatarrartu. Nyangkalta-tjananyanta kulintjamaaltu wantima.”
19Nyangka-ya kulirnu wantirralpi watjarnu, “Wiya, puurrpa purlkanyaku-latju mukurringkula.
20Tjiinya ngurra kutjupalu-yanku puurrpa purlkanya kanyira, palunyapirinypa. Nyangka-lanyatju walara makatima pika wakaltjaku.”
21Nyangka Tjamiyultu kulintjatjanulu Mama Kuurrta tjakultjunu.
22Nyangka Mama Kuurrtu watjarnu, “Wiya palya, puurrpa purlkanya-tjanampa ngurrkarntaralpi tjurra.” Nyangka Tjamiyultu-tjananya liita pirningka watjarnu, “Yuwa palya, ngula-tjanamparnanku puurrpa purlkanya ngurrkarntaralpi tjunku. Marlaku-yanku kutipitja ngurraku.” Nyangka-ya mularrpartu marlaku yanu nyinarranytja.
