25मिनु सुइ मीश मुर आ रां ब्रोल्शो प्रोंइशा मेको क्येङा शुश नाक्त सम्म हुश यिस ङा यिस बाक्त हना, आ मथिचा दुम्शो नङा खोदेंशो पा ग्रांग्रा दिशो दुम्ब। मेको आ मथिचा नाक्त खोदेंशो पा मेको ग्रांग्रा दिशो दुम्ब।
26मेको आ हुश यिशो नाक्त, आ इप्शो ब्राख्ये आ मथिचा दुम्शो नङा खोदेंशो पा ग्रांग्रा दिशो दुम्ब। आ निश्शो पीरा आ मथिची नङा खोदेंशो पा ग्रांग्रा दिशो दुम्ब।
27मेको थोव़क थीब ग्रांग्रा दिशो दुम्ब। मेकोमी आ वा मुरशा, चिक्सीचा माल्ब। मिनु मेको नां मरिक्म सम्म ग्रांग्रा दिशो दुम्ब।
28मेकोमी आ हुश यिचा देक्म नोले ७ नाक्ती रिम्चा माल्ब। मिनु मेको नोले मेको ग्रांग्रा मदिशो दुम्ब।
29मिनु ८ नाक्ती मेकोमी ढुकुर निक्शी कि परवा निक्शी चाक्शा, ग्रुम्तीक ताम्बु आ ओव़तीक चढ़ेब आ ङोंइती जाक्चा माल्ब।