Leevi 15:25-29

²⁵«Anzanui nii ɲamai a yɛ ɠulazu ba folo mɔinmɔin daawu, é ɠula ná-alu kaa yeeɠɛɠala zoloogaiti polu, ɓaa ɲamai lɛbi ɠulazu ba, é leʋe pɔlɔmai ʋa, kɔzɔai ɠa yɛ de, ná-ɲama ʋuu ziɛgi kpein su, eɠɛʋelei nɔ ná-alu kaa yeeɠɛɠalai la.

²⁶Bete nɔpɛ a la su, naama ɲama ɠula ziɛgi laawu, naa ɠa ɠɔzɔ eɠɛ ná-alu kaa ʋetei, ani nɔpɛ nii a zeina ma, naa ɠa ɠɔzɔ, eɠɛ ná-alu kaa ziɛgi zu nɔ.

²⁷Nu-o-nu a vɔɔɠu ba, naa ɠa ɠɔzɔ, kɛni é ná-seɠeiti gba, é maagba. Kɔzɔai ɠa yɛ de, eyɛsu kpɔkɔi.

²⁸«Siɛgi zu é ɲadesu la ná-ɲama ʋui ma, toɠa foloi ɠaalu ga dɔfela. Naati poluma, toɠa ɲade.

²⁹Foloi lɔsaʋasiɛi ma, toɠa kpumago felegɔ zeɠe, ɓaa poopo kpokpa felegɔ, é li ga tiye zalaɠa ɠula nui ʋɔ, GALA daaɠomi seɠe ʋɛlɛi laaʋɛ.