Leviticus 15:25-29

²⁵A womman that suffrith in many daies the `fletyng out of blood, not in the tyme of monethis, ethir which womman ceessith not to flete out blood aftir the blood of monethis, schal be vncleene as longe as sche `schal be suget to this passioun, as if sche is in the tyme of monethis.

²⁶Ech bed in which sche slepith, and `vessel in which sche sittith, schal be defoulid.

²⁷Who euer touchith hir schal waische his clothis, and he schal be waischun in watir, and schal be vncleene `til to euentid.

²⁸If the blood stondith, and ceessith to flete out, sche schal noumbre seuene daies of hir clensyng,

²⁹and in the eiytthe dai sche schal offre for hir silf to the preest twei turtlis, ethir twei `briddis of culueris, at the dore of the tabernacle of witnessyng;