ܒ ܩܘܪ̈ܢܬܝܐ 3

1

2

3

4

5

6

7

8

9

10

11

12

13

¹ܫܲܪܲܚ ܡܸܢܕܪܸܫ ܠܸܚܩܵܪܵܐ ܓܵܢܲܢ؟ ܝܲܢ ܣܢܝܼܩܹܐ ܝܘܲܚ، ܐܲܝܟ݂ ܐܢܵܫܹ̈ܐ ܐܚܹܪ̈ܢܹܐ، ܕܐܸܓܲܪ̈ܝܵܬܹ‌ܐ ܕܚܸܩܪܵܐ ܦܵܝܫܝܼ ܟܬܝܼܒܹܐ ܐܸܠܵܘܟ݂ܘܿܢ ܝܲܢ ܡܸܢܵܘܟ݂ܘܿܢ؟

²ܐܲܚܬܘܿܢ ܝܼܬܘܿܢ ܐܸܓܲܪܬܲܢ ܦܝܼܫܬܵ‌ܐ ܟܬܝܼܒ݂ܬܵ‌ܐ ܥܲܠܔ ܠܸܒܲܢ، ܗ̇ܝ ܕܦܝܼܫܬܵ‌ܐ ܝܠܵܗ̇ ܝܕܝܼܥܬܵ‌ܐ ܘܩܪܝܼܬܵ‌ܐ ܒܟܠܔ ܐܢܵܫܵܐ.

³ܦܝܼܫܹܐ ܝܬܘܿܢ ܝܕܝܼܥܹܐ ܕܐܲܚܬܘܿܢ ܝܼܬܘܿܢ ܐܸܓܲܪܬܵ‌ܐ ܡ̣ܢ ܡܫܝܼܚܵܐ، ܛܥܘܼܢܬܵ‌ܐ ܕܚܸܠܡܲܬܲܢ، ܦܝܼܫܬܵ‌ܐ ܟܬܝܼܒ݂ܬܵ‌ܐ، ܠܵܐ ܒܒܸܕܝܘܼܬܵ‌ܐ ܐܸܠܵܐ ܒܪܘܼܚܵܐ ܕܐܲܠܵܗܵܐ ܚܵܝܵܐ، ܠܵܐ ܥܲܠܔ ܠܘܼܚܹ̈ܐ ܕܟܹܐܦܵܐ ܐܸܠܵܐ ܥܲܠܔ ܠܸܒܵܘܵܬܹ̈‌ܐ ܕܒܸܣܪܵܐ.

⁴ܗܵܕܟ݂ܵܐ ܗܹܒ݂ܝܼ ܐܝܼܬ ܠܲܢ ܒܡܫܝܼܚܵܐ ܠܟܸܣ ܐܲܠܵܗܵܐ.

⁵ܠܵܐ ܚܵܫܒܲܚ ܕܐܲܚܢܲܢ ܟܹܐ ܡܵܨܲܚ ܥܵܒ݂ܕܲܚ ܡܸܢܕܝܼ ܒܓܵܢܲܢ، ܐܝܼܢܵܐ ܡܨܵܝܬܲܢ ܡ̣ܢ ܐܲܠܵܗܵܐ ܝܠܵܗ̇،

⁶ܗ̇ܘ ܕܩܵܡ ܝܵܗܒܹܠܔ ܠܲܢ ܡܨܵܝܬܵ‌ܐ ܠܸܥܒ݂ܵܕܵܐ ܚܸܠܡܲܬ ܒܘܲܥܕܵܐ ܚܵܕܬܵ‌ܐ، ܠܵܐ ܒܟܬܝܼܒ݂ܬܵ‌ܐ ܐܸܠܵܐ ܒܪܘܼܚܵܐ، ܣܵܒܵܒ ܟܬܝܼܒ݂ܬܵ‌ܐ ܟܹܐ ܩܵܛܠܵܐ ܐܝܼܢܵܐ ܪܘܼܚܵܐ ܟܹܐ ܡܲܚܹܐ.

⁷ܐܸܢ ܚܸܠܡܲܬ ܕܡܘܼܝܬܹ‌ܐ ܠܵܗ̇ ܡܵܘܬܵ‌ܐ، ܕܦܝܼܫܬܵ‌ܐ ܝܗܘܵܐ ܢܩܝܼܪܬܵ‌ܐ ܒܐܵܬܘܵܬܹ̈‌ܐ ܥܲܠܔ ܠܘܼܚܹ̈ܐ ܕܟܹܐܦܵܐ، ܗܘܹܐ ܠܵܗ̇ ܒܚܸܩܪܵܐ، ܕܵܐܟ݂ܝܼ ܕܒܢܲܝ̈ ܐܝܼܣܪܵܐܹܝܠܔ ܠܵܐ ܡܨܹܐ ܠܗܘܿܢ ܠܸܚܝܵܪܵܐ ܥܲܠܔ ܦܵܬܵ‌ܐ ܕܡܘܼܫܹܐ ܒܘܼܬ ܗ̇ܘ ܚܸܩܪܵܐ، ܐܘܼܦ ܐܸܢ ܕܚܸܩܪܵܐ ܥܵܒ݂ܪܵܢܵܐ ܝܗܘܵܐ،

⁸ܗܵܕܟ݂ܵܐ ܟܡܵܐ ܒܘܼܫ ܙܵܘܕܵܐ ܚܸܠܡܲܬ ܕܪܘܼܚܵܐ ܒܸܬ ܗܵܘܝܵܐ ܒܘܼܫ ܒܚܸܩܪܵܐ!

⁹ܐܸܢ ܚܸܠܡܲܬ ܕܡܘܼܝܬܹ‌ܐ ܠܵܗ̇ ܕܝܵܢܬܵ‌ܐ ܗܘܹܐ ܠܵܗ̇ ܒܚܸܩܪܵܐ، ܟܡܵܐ ܒܘܼܫ ܙܵܘܕܵܐ ܒܚܸܩܪܵܐ ܒܸܬ ܗܵܘܝܵܐ ܚܸܠܡܲܬ ܕܡܘܼܝܬܹ‌ܐ ܠܵܗ̇ ܙܲܕܝܼܩܘܼܬܵ‌ܐ!

¹⁰ܣܵܒܵܒ ܗ̇ܘ ܕܦܝܼܫܵܐ ܝܗܘܵܐ ܝܘܼܗܒ݂ܵܐ ܒܚܸܩܪܵܐ، ܐܵܕܝܼܵܐ ܠܲܝܬ ܠܹܗ ܚܸܩܪܵܐ ܒܥܲܝܢܵܐ ܕܗ̇ܘ ܕܝܼܠܹܗ ܒܘܼܫ ܡܵܪܹܐ ܚܸܩܪܵܐ.

¹¹ܘܐܸܢ ܥܵܒ݂ܪܵܢܵܐ ܗܵܕܟ݂ܵܐ ܗܘܹܐ ܠܹܗ ܒܚܸܩܪܵܐ، ܟܡܵܐ ܒܘܼܫ ܙܵܘܕܵܐ ܒܸܬ ܗܵܘܹܐ ܒܚܸܩܪܵܐ ܗ̇ܘ ܕܝܼܠܹܗ ܦܵܝܫܵܢܵܐ!

¹²ܟܲܕ ܐܝܼܬ ܠܲܢ ܐܵܗܵܐ ܗܹܒ݂ܝܼ، ܓ̰ܘܼܪܐܲܬ ܓܘܼܪܬܵ‌ܐ ܡܲܦܠܘܼܚܹܐ ܝܘܲܚ.

¹³ܠܹܐ ܝܘܲܚ ܐܲܝܟ݂ ܡܘܼܫܹܐ ܕܡܘܼܟܣܵܐ ܠܹܗ ܦܵܬܹܗ ܕܠܵܐ ܚܵܝܪܝܼ ܗܘܵܘ ܒܢܲܝ̈ ܐܝܼܣܪܵܐܹܝܠܔ ܥܲܠܔ ܫܲܦ̮ܩܵܐ ܥܵܒ݂ܪܵܢܵܐ.

¹⁴ܐܝܼܢܵܐ ܪܸ̈ܥܝܵܢܵܝܗ‌ܝ ܣܸܡܝܹ̈ܐ ܝܗܘܵܘ ܣܵܒܵܒ ܗܲܠܔ ܐܸܕܝܘܿܡ ܝܵܘܡܵܐ ܗ̇ܝ ܟܲܣܲܝܬܵ‌ܐ ܟܹܐ ܦܵܝܫܵܐ ܐܝܼܡܲܢ ܕܐܘܿܪܵܝܬܵ‌ܐ ܦܵܝܫܵܐ ܩܪܝܼܬܵ‌ܐ. ܐܵܗܵܐ ܟܲܣܲܝܬܵ‌ܐ ܠܹܐ ܝܠܵܗ̇ ܦܝܼܫܬܵ‌ܐ ܫܩܝܼܠܬܵ‌ܐ، ܣܵܒܵܒ ܐܲܚܟ̰ܝܼ ܒܡܫܝܼܚܵܐ ܟܹܐ ܦܵܝܫܵܐ ܫܩܝܼܠܬܵ‌ܐ.

¹⁵ܗܲܠܔ ܐܸܕܝܘܿܡ ܝܵܘܡܵܐ ܐܝܼܡܲܢ ܕܢܵܡܘܿܣܵܐ ܕܡܘܼܫܹܐ ܟܹܐ ܦܵܐܹܫ ܩܸܪܝܵܐ، ܟܲܣܲܝܬܵ‌ܐ ܕܪܝܼܬܵ‌ܐ ܝܠܵܗ̇ ܥܲܠܔ ܠܸܒܵܝܗ‌ܝ.

¹⁶ܐܝܼܢܵܐ ܐܝܼܡܲܢ ܕܐܢܵܫܵܐ ܡܸܢܵܝܗ‌ܝ ܕܵܐܹܪ ܠܟܸܣ ܡܵܪܝܵܐ، ܟܹܐ ܦܵܝܫܵܐ ܫܩܝܼܠܬܵ‌ܐ ܟܲܣܲܝܬܵ‌ܐ.

¹⁷ܡܵܪܝܵܐ ܪܘܼܚܵܐ ܝܠܹܗ، ܘܐܲܝܟܵܐ ܕܝܼܠܹܗ ܪܘܼܚܵܐ ܕܡܵܪܝܵܐ ܬܵܡܵܐ ܐܝܼܬ ܚܹܐܪܘܼܬܵ‌ܐ.

¹⁸ܘܐܲܚܢܲܢ ܟܠܲܢ ܒܦܵܬܵ‌ܐ ܓܠܝܼܬܵ‌ܐ ܚܸܩܪܵܐ ܕܡܵܪܝܵܐ ܡܲܚܙܘܼܝܹܐ ܝܘܲܚ ܐܲܝܟ݂ ܒܢܵܘܪܵܐ، ܘܦܝܵܫܵܐ ܝܘܲܚ ܫܘܼܚܠܸܦܹܐ ܠܕܡܘܼܬܹܗ، ܡ̣ܢ ܚܸܩܪܵܐ ܠܚܸܩܪܵܐ، ܗ̇ܘ ܕܟܹܐ ܐܵܬܹ‌ܐ ܡ̣ܢ ܡܵܪܝܵܐ، ܗ̇ܘ ܕܝܼܠܹܗ ܪܘܼܚܵܐ.