1O ɛra ótɛni ó zĩda sáabu kpán yá? Ó bàka kú kũ sèeda takada kũ ò kɛ̃̀árɛ ke kũ a kɛ̃̀ńnɛo lán gbɛ̃kenↄ bàn yá?
2Ákↄ̃nↄmɛ ó takada pì ũ kũ à kɛ̃na ó swɛ̃̀ɛa. Gbɛ̃ sĩnda pínki ni fↄ̃ à dↄ̃ à a kyó kɛ.
3Átɛn mↄńnɛ gupuraa kũ ákↄ̃nↄmɛ takada kũ Kirisi kɛ̃̀ à nàwɛrɛ ó ↄĩ ũ. Adi takada pì kɛ̃ kũ tawadaaoro, à kɛ̃̀ kũ Luda Wɛ̃̀ndide Niniomɛ. Adi kɛ̃ gbɛ̀ anloaro, à kɛ̃̀ á swɛ̃̀ɛamɛ.
4Yã kũ ó a náani vĩn gwe Luda arɛ Kirisi gãi.
5Adi kɛ o ka ó zĩdanɛ ò pi, yã pìi bò ó kĩnaanlo, Ludamɛ ó gbãna ũ.
6Àkũ mɛ́ à ó káa, akũ ó de a bàka kunna kũ gbɛ̃nↄo dufu zĩkɛrinↄ ũ. Adi kɛ doka kũ à kɛ̃nanlo, Luda Nini yãmɛ. Zaakũ doka dì ga ińnɛ, Nini pì sↄ̃, àdi wɛ̃̀ndi ińnɛ.
7Kũ Luda doka kɛ̃̀ gbɛ̀ anloa, a gakuri bò Musa ãnnwa. Bee kũ a tɛ́kɛna dí gì kɛro, Isarailanↄ dí fↄ̃ ò gwàro. Tó zɛ́ kũ àdi ga ińnɛ pìi bò kũ gakuri bire takao,
8oni Nini pì zɛ́ gakuri yã o dↄ yá?
9Tó zɛ́ kũ àdi yã dańla gakuri vĩ, zɛ́ kũ àdi tó yã bo kũńwo nna gakuri deala zã̀.
10Pↄ́ kũ à gakuri vĩ yã gakuri vĩ doro, gakuri kũ à deala pì yãi.
11Tó pↄ́ kũ adi gì kɛro bò kũ gakurio, pↄ́ kũ àdigↄ̃ kun gakuri deala zã̀.
12Zaakũ ó tãmaa bire taka vĩ, odì yã o kũ swɛ̃̀gbãnao,
13adi kɛ lán Musa bàro, kũ à fáta kù a ãnnwa de Isarailanↄ sún a ãn tɛ́kɛna kũ àdi gì kɛro lakana ero yãi.
14Ama ń sã gbãna, zaakũ ari gbãra tó òtɛn Luda bàka kunna kũńwo takada kyó kɛ, fáta dokↄ̃nↄ pìi dìgↄ̃ kú ń laasunlamɛ. Àdi goro, séto gbɛ̃ kú Kirisi gũn baasiro.
15Ari kũ a terao tó òtɛn Musa takada kyó kɛ, fáta pìi dìgↄ̃ kú ń laasunlamɛ.
16Ama tó gbɛ̃ arɛ dↄ̀ Dikiria, fáta pìi dì goa.
17Dikiri pìimɛ Luda Nini ũ, akũsↄ̃ gu kũ Dikiri Nini pì kún, àdi tó ò gↄ̃ ń zĩdanɛ.
18Ókↄ̃nↄ kũ pↄ́ gò ó ãnnwanↄ, ótɛn Dikiri gakuri mↄńnɛ lán dígi bà, odìgↄ̃ li lán a bà gakuri gↄ̃ kara gakurila. Dikiri kũ à de Luda Nini ũ pì kɛnaan gwe.
