لُكِ 4:19-38

¹⁹ﭑ شَ شّيرَ عِبَ مِشِيٍ بّ، عَلَ شَ هِننّ وَشَتِ بَرَ عَ لِ.»

²⁰عَ نَشَ قَ كِتَابُي مَكُنتَن، عَ عَ سٌ تَالِبِ يِ، عَ دْشْ. بِرِن عٍ يَ بَنبَنشِ عَ رَ سَلِدٍ كُي.

²¹عَ نَشَ مَسٍنيِ تِ قْلْ عٍ بّ، «تٌ، يِ سّبّلِ نَشَن شَرَنشِ وٌ بّ يِ كِ، عَ بَرَ كَمَلِ.»

²²بِرِن نُ عَ شَ قٍ قَنيِ قَلَمَ، عٍ نُ كَابَ وْيّن قَنيِيٍ مَ نَشٍيٍ نُ مِنِمَ عَ كّرّ عِ. عٍ نَشَ سٌ عٍ بٌرٍ مَشْرِنقٍ، «يُسُقُ شَ دِ شَ مُ يِ كِ؟»

²³عِسَ نَشَ عَ قَلَ عٍ بّ، «ﭑ نَ عَ كٌلٌن وٌ يِ تَالِ سَمَ نّ ﭑ بّ، ‹سٍرِبَ، عِ يّتّ دَندَن.› وٌ مَن عَ قَلَمَ نّ ﭑ بّ، ‹مُشُ بَرَ قٍ نَشَن بِرِن مّ عِ نَشَن نَبَشِ كَثّرّنَمُ، عِ مَن شَ عَ مْولِ رَبَ عِ شْنيِ بٍ.›

²⁴ﭑ شَ نْندِ قَلَ وٌ بّ، نَمِحْنمّ يٌ مُ بِنيَمَ عَ شْنيِ تَن.

²⁵وٌ مَن شَ وٌ تُلِ تِ نْندِ رَ. كَاحّ فِنّ وُيَشِ نُ نَ عِسِرَيِلَ بْشِ مَ عَننَبِ عٍلِيَ شَ وَشَتِ، كَامّ تٌ سِن بْشِ مَ، تُنّ يٍ مُ بِرَ حّ سَشَن كِكٍ سٍننِ.

²⁶كْنْ عَلَ مُ عَننَبِ عٍلِيَ شّي عٍ تَن عِسِرَيِلَكَ فِنّيٍ سٍسٍ مَ، قٌ عَ تٌ عَ شّي كَاحّ فِنّ ندٍ نَن فبَنسَن مَ نَشَن نُ نَ سَرٍثٍتَ، سِدْن بْشِ مَ.

²⁷كُنّ كَنيِ وُيَشِ قَن نُ نَ عِسِرَيِلَ بْشِ مَ عَننَبِ عٍلِسٍ شَ وَشَتِ، كْنْ عَ مُ عٍ تَن سٍسٍ رَيَلَن، قٌ نَامَن سِرِيَكَ فبَنسَن، عَ نَ نَن نَيَلَن.»

²⁸عٍ تٌ يِ قٍيٍ مّ، مِشِ بِرِن نَشٍيٍ نُ نَ سَلِدٍ كُي، عٍ بْحّ نَشَ تٍ عِسَ شِلِ مَ.

²⁹عٍ نَشَ كٍلِ، عٍ عَ رَ مِنِ تَا قَرِ مَ. عٍ شَ تَا تٌ نُ تِشِ فٍيَ رَ، عٍ نَشَ عَ شَنِن يِرٍ ندٍ عٍ شَ عَ رَدِن يّ فٍلٍنيِ رَ.

³⁰كْنْ عِسَ نَشَ مِنِ عٍ تَفِ، عَ عَ شَ كِرَ سُشُ.

³¹عِسَ نَشَ فٌرٌ كَثّرّنَمُ، فَلِلٍ بْشِ تَا ندٍ. عَ تٌ نُ نَ مِشِيٍ كَوَندِقٍ مَلَبُ لْشْي،

³²عٍ نَشَ كَابَ عَ شَ شَرَنيِ مَ، بَرِ مَ عَ نُ وْيّنمَ مَنفّ سّنبّ نَن نَ.

³³نَ سَلِدٍ كُي، شّمّ ندٍ نُ نَ حِننّ نُ نَشَن قْشْ رَ. عَ نَشَ سْنشْي رَتٍ قْلْ، عَ فبٍلٍفبٍلٍ،

³⁴«عٍٍ! عِسَ نَسَرّتِكَ، عِ وَشِ مُنسٍ شْن مَ مُشُ بّ؟ عِ قَشِ مُشُ سْنتْدٍ نّ؟ ﭑ نَ عَ كٌلٌن مِشِ نَشَن لَنشِ عِ مَ. عَلَ شَ سّنِيّنتْي نَن نَ عِ رَ.»

³⁵عِسَ نَشَ وْيّن عَ مَ عَ شْرْشْي رَ، عَ عَ يَمَرِ، «عِ سَبَرِ. فبِلٍن يِ شّمّ قْشْ رَ.» حِننّ نَشَ شّمّ رَبِرَ بْشِ حَمَ تَفِ، عَ قَ فبِلٍن عَ قْشْ رَ. شّمّ مُ مَشْنْ هَلِ كٍرٍن.

³⁶بِرِن دّ نَشَ عِشَرَ، عٍ نُ قَ عٍ بٌرٍ مَشْرِن، «مَسٍنيِ مْولِ مُندُن يِ كِ؟ عَ حِننّيٍ يَمَرِ مَ نْي نُن سّنبّ رَ، نٍيٍ فبِلٍن مِشِ قْشْ رَ!»

³⁷نَ كُي، عِسَ شَ قٍ شِبَارُ نَشَ يٍنسٍن يّ نَ بْشِ رَبِلِنيِ يِرٍ بِرِن.

³⁸عِسَ تٌ مِنِ سَلِدٍ كُي، عَ نَشَ سِفَ سِمْن شْنيِ. سِمْن بِتَنيِ مُ نُ يَلَنشِ. عَ قَتٍ نُ فَنشِ عَ مَ. عٍ نَشَ عِسَ مَشَندِ عَ شَ عَ مَلِ.