ZABURA 38:6-21

⁶Má kuna, ma gↄ̃ zↄ̀lↄlↄ, madìgↄ̃ tɛ́ ãnsisinamɛ gↄrↄ sĩnda pínki.

⁷Ma kpɛwa tɛn wí yãpura, ma mɛ̀ gbãna vĩro.

⁸Má gbãna vĩro, ma mɛ̀ɛ kɛ̀ búgubugu, matɛn wiki lɛ́ ma pↄyakana yãi.

⁹Dikiri, ń pↄ́ kũ má yei dↄ̃ pínki, ndì ma ndana ma sãnsãn.

¹⁰Ma kù tɛn vĩ gbì gbì, ma gbãna làka, ma wɛ́ tɛn tɛ́ kɛ doro.

¹¹Ma gbɛ̃nnanↄ kũ ma gbɛ̃nↄ dì gbãtɛmɛnɛ, ma danɛnↄ dì bàa lɛ́mɛnɛ ma bↄ̀nↄ yãi.

¹²Gbɛ̃ kũ ò wɛtɛ ò ma dɛnↄ dì bà kpákpamɛnɛ, ma wɛtɛrinↄ dì yã vãni kpákũsũ kũmao, òdigↄ̃ manafikiyã gwa kũ kↄ̃o gↄrↄ sĩnda pínki.

¹³Ma gↄ̃ lán sãto bà, madì yã maro, lán gbɛ̃ kũ a nɛ́nɛ nàtɛ bà, madì lɛ́ wɛ̃kↄ̃aro.

¹⁴Má de lán gbɛ̃ kũ àdi yã maro bà, madì weḿmaro.

¹⁵Dikiri, mↄkↄ̃mmɛ ma wɛ́ dↄnyĩ, ĩni ma yã ma, Dikiri ma Luda.

¹⁶Ma pì, ǹsun tó ò yↄ̃̀gↄ̃ kɛmaro, ǹsun tó ò ĩa dã ma satana yãiro.

¹⁷Ma ka lɛtɛna, madìgↄ̃ kú yã'ũmmanaa gũn.

¹⁸Mani ma yã vãninↄ onnɛ sà, zaakũ ma durunna yãin ma pↄ yakana.

¹⁹Ma ibɛrɛ pãsĩnↄn lɛ́ vĩro, gbɛ̃ kũ ò zã̀magu pãpãnↄn dasi.

²⁰Òdi yã mana fĩna bomɛnɛ kũ yã vãnio, yã manan má tɛ́i, akũ ò ibɛrɛɛ sɛ̀ kũmao.

²¹Dikiri, ǹsun ma zukũnaro, ma Luda, ǹsungↄ̃ kú kũmao zã̀ro.