Buk Song 38:6-21

⁶Bel bilong mi i gat bikpela hevi tru, na mi bagarap. Long olgeta de mi sori na krai tasol.

⁷Bodi bilong mi i hat moa olsem paia i kukim, na mi gat bikpela sik tru.

⁸Mi bagarap tru na mi stap nogut, olsem wanpela samting i krungutim mi strong. Bel bilong mi i pilim nogut tru, na mi singaut long bikpela pen.

⁹Bikpela, yu save long strongpela laik bilong mi. Bel bilong mi i krai nogut, na dispela i no hait long yu.

¹⁰Klok bilong mi i wok strong tumas, na strong bilong mi i pinis olgeta. Ai bilong mi i tudak na mi no moa lukluk gut.

¹¹Ol pren na wantok bilong mi ol i no laik i kam klostu long mi. Ol i no laik lukim ol sua bilong mi. Na ol famili bilong mi tu i stap longwe.

¹²Ol man i laik kilim mi i dai, ol i redim umben bilong holimpas mi. Ol man i laik bagarapim mi, ol i save tok long mekim nogut long mi. Na oltaim ol i tingting long mekim pasin nogut long mi.

¹³Tasol mi olsem man i yaupas, na mi no harim ol. Mi olsem mauspas, na mi no opim maus.

¹⁴Mi olsem wanpela man i no inap harim toktok, olsem na mi no bekim tok long ol.

¹⁵Tasol Bikpela, mi bilip long yu. Bikpela, yu God bilong mi, bai yu yet yu bekim tok long mi.

¹⁶Mi beten olsem, yu no ken larim ol birua i winim mi na amamas long dispela pasin ol i mekim. Taim mi pundaun liklik yu no ken larim ol i hambak na amamas.

¹⁷Long wanem, klostu nau mi laik pundaun, na mi gat pen oltaim.

¹⁸Mi autim rong bilong mi long yu, na mi sori long sin mi bin mekim.

¹⁹Olgeta birua bilong mi i strong tumas. Planti man moa i birua nating long mi.

²⁰Mi mekim gutpela pasin long ol, tasol ol i bekim pasin nogut long mi. Mi bihainim gutpela pasin, na ol i tingting long dispela na ol i kamap birua bilong mi.

²¹Bikpela, yu no ken lusim mi. God bilong mi, yu no ken i stap longwe long mi.