Y Salmo Sija 38:6-21

⁶Pinite yo yan gostumecon yo: todotdia jumajanaoyo yan umuugong yo.

⁷Sa y atayojo bula sinenggue: ya taya jinemlo gui catneco.

⁸Manyafaeyo yan gosmamuteyo: cumate yo pot y atboroto gui corasonjo.

⁹Jeova, y menamo nae gaegue todo y tinangajo: ya y inigongjo tiunaatog guiya jago.

¹⁰Y corasonjo bobongbong, y minetgotto malingo: ya y minalag y atadogjo fatta esta.

¹¹Y gumaeya yo yan y mangachongjo manotojgue chago gui chetnotto; ya parientesso manotojgue gui chago.

¹²Ayosija ni y umaliligao y antijo manmaplanta laso para guajo; ya y umaliligao y dañujo manguecuentos tinaelaye: ya todotdia manmanajaso ni y finababa.

¹³Lao guajo, calang tanga, ti jujungog: ya guajo calang udo ni ti ubaba y pachotña.

¹⁴Magajet na guajo calang un taotao ni ti manjujungog: ya taya linalatde gui pachotña.

¹⁵Sa iya jago, O Jeova, junanangga: jago unfanope, O Jeova, Yuusso.

¹⁶Sa ileco: Chañija fanmamagof guiya guajo: anae sulong y adengjo manladangculon sija guiya guajo.

¹⁷Sa guajo cana na ugadon: ya y pinitijo gaegue siesiempre gui menajo.

¹⁸Sa bae jusangan y tinaelayeco; bae jutriste pot y isaojo.

¹⁹Sa y enimigujo manlâlâ ya manmetgot: ya mumemegaeja y chumatlieyo sin jafa.

²⁰Ayosija locue ni y jaapapase y mauleg pot y taelaye, sija contrarionjo, sa judadalalag y mauleg.

²¹Chamo dumidingoyo, O Jeova: O Yuusso, chamo chachago guiya guajo.