ZABURA 31:15-22

¹⁵Ma wɛ̃̀ndii dìgↄ̃ kú n ↄĩ gↄrↄ sĩnda pínki, ǹ ma sí ma ibɛrɛ kũ òtɛni ma wɛtɛ ò ma dɛnↄ ↄĩ.

¹⁶Ǹ ãn were makũ n zↄ̀bleriia, ń ma sura ba n yenyĩ gũn.

¹⁷Dikiri, ǹsun tó wé'i ma kũro, zaakũ ma wiki lɛ̀mma. Ǹ tó wé'i yãvãnikɛrinↄ kũ, ǹ tó ń lɛ́ gↄ̃ nakↄ̃ana gyãwãnn,

¹⁸ǹ tó ɛ́kɛtorii pìnↄ nɛ́nɛ natɛ. Òdi dↄkɛ kũ gbɛ̃ mananↄ, òdi ń gya bo kũ ĩadãnaao.

¹⁹Aruzɛkɛ kũ n kàkara n vĩnakɛrinↄnɛ zↄ̃kↄ̃, ndì arubarika da gbɛ̃ kũ ò nanyĩnↄgu gbɛ̃ sĩnda pínki wára.

²⁰Tó gbɛ̃nↄ lɛ́ kpàkũsũńyĩ, ndì ń utɛ n kuru, tó òtɛn lɛ́kpakↄ̃a kɛ kũńwo, ndì ń dãkpã n kukia.

²¹Arubarikademɛ Dikiri ũ, zaakũ à yenyĩ zↄ̃kↄ̃ↄ mↄ̀mɛnɛ wɛ̃tɛ kũ ò lìkaii gũn.

²²Swɛ̃̀ɛ kɛ̃̀magu gwe, akũ ma dà, n ma zukũnamɛ. Kũ ma faaba lɛ́ zùnyĩ, n ma wɛ̃nda ↄ́ↄdↄnaa mà.