Womusu 31:15-22

¹⁵Adɑmɑ Yinni Gusunɔ, wunɑ nɑ nɑɑnɛ sɑ̃ɑ. Domi wunɑ ɑ sɑ̃ɑ nɛn Yinni.

¹⁶Nɛn siɑn wɑ̃ɑru kpuro wunɛn nɔmu sɔɔrɑ tɑ wɑ̃ɑ. A mɑn wɔro sɑɑ nɛn yibɛrɛbɑ kɑ be bɑ mɑn nɔni sɔ̃ɔmɔn nɔmɑn di.

¹⁷A mɑn wunɛn yɑm bururɑm sɔ̃ɔsio. A mɑn wɔro wunɛn durom sɔ̃.

¹⁸Yinni Gusunɔ, nɑ̀ n nun sokɑ, ɑ ku de n sekuru wɑ. Adɑmɑ ɑ de tɔn kɔ̃so u sekuru wɑ, kpɑ u dɑ ɡɔribun wɑ̃ɑ yerɔ ɡɔɔ u nùn nɔɔ mɑrisiɑ.

¹⁹A ku de wee kowobu bu ɡɑri ɡere, kɑ be bɑ tii suɑ ɡɑri mɔ̀, bɑ ɡɑbu ɡɛmɑ.

²⁰Yinni Gusunɔ, wunɛn durom mu kpɑ̃, mɛ ɑ be bɑ nun nɑsie yiiye, kɑ be bɑ ben nɑɑnɛ doke wunɛ sɔɔ. Tɔmbu bɑ koo kpĩ bu wɑ durom mɛ ɑ rɑ bu kue.

²¹Domi ɑ rɑ be bɑ nun nɑsie kɔ̃su, kpɑ bɑ n wɑ̃ɑ wunɛn wuswɑɑɔ bu ku kɑ du nɑɑnɑɑnu sɔɔ, kpɑ ɑ bu bere wunɛn dirɔ tɔn kɔ̃sobun sɔ̃.

²²Yinni Gusunɔ, wunɑ kon siɑrɑ, domi ɑ mɑn wunɛn durom sɔ̃ɔsi. Nɑ rɑɑ sɑ̃ɑwɑ nɡe wuu ɡe bɑ tɑrusi,