GWAY GI IDAWUU’D 31:15-22

¹⁵Mom pem uni ’kon e me’d pini mo. ’Cuḵi aha/ mo ’peni me’d ma ris uni gun ta ’kup̱ ki aha/ mo dhali uni kun ṯo’cki aha/ bwa mo.

¹⁶Dhalki bwam/em pini a’di kushu mo mo e c̱iŋkinam pini mo. Tayi aha/ is ki me’d mo e mo/en pini jin ṯelu sho’k mo.

¹⁷Dhalku/ ki dhal aha/ mo mmodi ki mo ma ’the is mo, ayy Tap̱a mo, haali/ aha/ yuḵkina /e mo. Dhalki uni kun mii tonthus idhukunu ’te/ ki mo ma ’the is mo dhali dhalki uni ii ’ce us kan e mo ma Haawiya mo.

¹⁸Dhalka le’d kun tana ṯor tana ’diye/ mo, uni oki gwo sor ap̱o/ uniŋ ḵar/e mo e mo jin dhuna uni ’ba/ ki ca mo dhali mo ma bujur mo.

¹⁹Ayy mom’boro’d pini wa’di ish ka enthusa! A’di jin karkina /e gom uni gwansan kun ḵo/ki /e mo dhali wagas mo gom uni gwansan kun bu’thki mo jin huru jwa e /e mo, e jis/e gi iya/ gi ’kwani mo.

²⁰Dhali buŋ’kus pini mo tani a’di ibagki uni mo ’pena risa wu’th gi ’kwani mo. /E dhuki uni ki ’dantar e bwaŋ’kwariny ma darha’dam pini mo ’pena risa le’d jin biruwa bir mo.

²¹Mom’bor mii midi di gom Tap̱a mo, haali/ a’di wa’di ’bora mmoṯor mo/en piti jin ṯelu sho’k e aha/ mo ki aha/ karu mo mmohem me’d ’peŋkuman bampa/ mo.

²²Aha/ okina gwo e mo ma ayy/ayy/ayy pem mo ki: Aha/ borkunu ki ’bal ’bal itaga dhana/ mo ’peni jis/em pini mo. Hili /e ciḵki mom pem jin di’bkika/ di’b is mo ki aha/ gwokina ’twa/i /e gom mowoṯẖ mo.