1Dauda lɛ̀ɛ. Ma Luda, ma Luda, à kɛ̀ dera n ma tonn? Ma wiki lɛ̀, à kɛ̀ dera ńdi su ma sura baroo?
2Ma Luda, ma lɛ́ zùnyĩ fãnantɛ̃, ama ńdi wemaro, ma wiki lɛ̀mma gwãani dↄ, mádi yĩtɛro.
3Ń kú adona ń vutɛna kpatan, mↄkↄ̃n kũ Isarailanↄ dì n sáabu kpá.
4Mↄkↄ̃mmɛ ó dizinↄ náani kɛ̀, ò n náani kɛ̀, akũ n ń mìi sì.
5Ò lɛ́ zùnyĩ, akũ ò boki lè, ò n náani kɛ̀, akũ wé'i dí ń kũro.
6Kↄ̀kↄ fítinnan ma ũ, bisãsirimɛ ma ũro, òtɛni ma sↄ̃sↄ̃, òtɛni ma gya bo.
7Gbɛ̃ kũ òtɛni ma gwanↄ tɛni ma fobo, òtɛn lɛ́zuki kɛma, òtɛni ń mì kɛ dékũdekũ òtɛn pi:
8Lákũ àtɛn Dikiri náani kɛ nà, à a sura ba, tó a yã kàagumɛ, à a mì sí.
9Mↄkↄ̃mmɛ n ma bo ma da nɛ̀sɛn, n ma gwa aafia ma yↄ̃migↄrↄ.
ZABURA 22
ZABURA 22:1-9