MELKAHKA KAN 22:1-9

¹Ei Koht, ei Koht, dahme komw ketin likidmeliekiniehla? I likilikwerwohng sawasepei, ahpw sawasepei saikinte pwarodo.

²Maing ei Koht, I kin likweriong komwi ni rahn, komwi ahpw sohte kin ketin sapeng ie; I pil kin likilikwer nipwong, I ahpw sohte kin diar ei kommoal.

³A komwi ketiket nan mwoalomwi nin duwen Me Sarawio, komwi me Israel kin kapikapinga.

⁴At pahpa kahlap ako kin likih komwi; re likihkomwihla, oh komw ahpw ketin doareirailla.

⁵Re likweriong komwi, re ahpw pitla sang apwal; re likihkomwihla oh ar likilik ahpw kin pweida.

⁶I solahr mwomwen aramas; I wialahr kamwetel men, me aramas koaros kin mwamwahliki oh wia kauwe!

⁷Koaros me kin kilang ie kin kepitkin ie; re kin kapwadehi lowarail oh itihtik moangarail.

⁸Re kin nda, “Ke likiher KAUN-O; a dahme e sohte ketin doarehkinuhkala? Ma KAUN-O kupwurkinuhk, a dahme e sohte ketin sewesehkinuhk?”

⁹Komwi me ketin apwahpwalih ie ni ei ipwidi, oh komwi me pil ketin sinsile ie ni ei seri pwelel.