YÃGƆ̃GƆ̃RINƆ 6:1-15

¹Isarailanↄ ɛ̀ra ò yã kũ Dikiri yeiro kɛ̀ dↄ, akũ Dikiri ń ná Midiãnↄnɛ ń ↄĩ ari wɛ̃̀ suppla.

²Kũ Midiãnↄ tɛn ↄ tↄ̃ḿma, akũ Isarailanↄ utɛkinↄ kɛ̀kɛ gukpidenↄn kũ gbɛ̀wɛɛnↄ kũ sɛ̃̀ntɛpↄrↄtuo.

³Tó ò pↄ́ tↄ̃̀, Midiãnↄ kũ Amalɛkinↄ kũ ifãboki kpa buri pãndenↄ dì su ò lɛ́tɛḿmamɛ.

⁴Òdi su ò bùra kátɛ ń bùsun, akũ òdi ń burapↄnↄ yakańnɛ ari à gɛ́ pɛ́o Gazaa. Òdi pↄ́ke tó Isarailanↄnɛro ke sã ke zù ke zaaki.

⁵Òdi su kũ ń pↄ́kãdenↄ kũ ń bizakutanↄ dasidasi lán sutɛ̃nↄ bà. Gbɛ̃ke dìgↄ̃ mↄ́kↄ̃nↄ kũ ń lakuminↄ lɛ́ dↄ̃ro. Òdi su ò bùsuu yakamɛ.

⁶Midiãnↄ Isarailanↄ dà takasi gũn, akũ ò wiki lɛ̀ Dikiria.

⁷Kũ ò wiki lɛ̀ Dikiria Midiãnↄ yã musu lɛ,

⁸akũ Dikiri annabii bòńnɛ à pì: Makũ Dikiri Isarailanↄ Luda ma pì ma á bó zↄ̀blen ma á bↄ́tɛ Misila.

⁹Ma á bó Misilanↄ ↄĩ kũ gbɛ̃ kũ ò ↄ tↄ̃̀áwanↄ ń pínki ma pɛ́ḿmaárɛ, akũ ma ń bùsuu kpàáwa.

¹⁰Kũ ma pìárɛ makũmɛ Dikiri á Luda ũ, àsun Amↄri kũ á kú ń bùsunnↄ tãnanↄ gbagbaro, akũ a gi ma yã mai.

¹¹Dikiri Malaikaa sù à vùtɛ gbiri lí gbáru zaa Ɔfla, Abiɛza buri Yoasi bɛ wɛ̃tɛ. A nɛ́ Gidiↄn tɛn pↄ́wɛ gbɛ̃ geepi'ifɛ̃ki wɛ̀ɛn de Midiãnↄ sún a ero yãi.

¹²Kũ Dikiri Malaikaa bò à sùa, à pìnɛ: Gↄ̃ gbãna, Dikiri kú kũnwo.

¹³Akũ Gidiↄn pìnɛ: Baa, tó Dikiri kú kũoo, bↄ́yãi yã dínↄ ó lé pínkii? Daboyã kũ ó denↄ a yã bàbawɛrɛnↄn kú mámɛɛ? Ò pì Dikiri ó bↄ́tɛ Misila, ama tera à pã kpàwái, akũ à ó ná Midiãnↄnɛ ń ↄĩ.

¹⁴Akũ Dikiri arɛ dↄ̀a à pì: Ǹ gɛ́ kũ gbãna kũ ń vĩo ǹ Isarailanↄ bo Midiãnↄ ↄĩ. À de makũ mɛ́ ma n zĩ fá.

¹⁵Akũ Gidiↄn a là à pì: Baa, mani fↄ̃ mà Isarailanↄ bo deramɛɛ? Ma ↄn mɛ́ à kĩana Manasenↄ tɛ́ akũsↄ̃ makũmɛ fíti deńla ma de bedenↄ tɛ́.