Womusu 6:1-8

¹Womu ɡe Dɑfidi u wom kowobun wiruɡii kuɑ kɑ mɔrɔku. Ge wee.

²Yinni Gusunɔ, ɑ kɑ mɑn mɔru sɑ̃ɑ, ɑdɑmɑ nɑ nun kɑnɑmɔ, ɑ ku mɑn ɡerusi, ɑ ku mɑn sɛɛyɑsiɑ.

³A nɛn wɔnwɔndu wɑɑwo, ɑ mɑn bɛkio, domi nɛn wɑsi kun dɑm mɔ. Wee nɑ ɡɔɔ dɔɔ.

⁴Nɛn bwɛ̃rɑ kun kpĩ. Yinni, sere sɑɑ yerɑ̀ kɑɑ mɑn deri mɛ. Sɑɑ yerɑ̀ kɑɑ mɑn somiru nɑ.

⁵A wurɑmɑ ɑ mɑn fɑɑbɑ ko. A mɑn wɔro wunɛn durom sɔ̃.

⁶Domi wi u ɡu u ǹ mɑɑ wunɛn bwisikunu mɔ̀. Wi bɑ sikɑ u ǹ mɑɑ kpɛ̃ u nun sɑ̃.

⁷Yinni Gusunɔ, weeweenu derɑ nɑ ǹ dɑm mɔ. Wɔ̃kuru bɑɑtere nɛn nɔni yĩresu rɑ n kokumɔwɑ. Wɔ̃kuru bɑɑtere nɛn kpin yerɑ rɑ n wɑɑrewɑ.

⁸Nɛn nɔni mɔsɑ swĩin sɔ̃. Yibɛrɛbɑrɑ bɑ mɑn yeni kpuro koosiɑ.