Womusu 65:3-13

³Yinni Gusunɔ, wunɛ wi ɑ rɑ tɔmbun kɑnɑru nɔ, tɔmbu kpuro bɑ koo nɑ wunɛn mi.

⁴Bɛsɛn torɑnu sun buniɛ. Wunɑ kɑɑ sun nu suuru kuɑ.

⁵Doo nɔɔruɡiiwɑ wi ɑ ɡɔsɑ u nun susi u wɑ̃ɑ wunɛn sɑ̃ɑ yerɔ. Wunɛn wɑ̃ɑ yerun nuku dobu koo de su debu wunɛn sɑ̃ɑ yee dɛɛrɑrɔ.

⁶Gusunɔ bɛsɛn fɑɑbɑ kowo, wunɛn kĩrun sɑɑbu, ɑ rɑ bɛsɛn kɑnɑru wure, kpɑ ɑ sun sɔm mɑɑmɑɑkiɡinu sɔ̃ɔsi. Wunɑ tɔmbu kpuro bɑ nɑɑnɛ sɑ̃ɑ temɔ sere kɑ be bɑ wɑ̃ɑ nim wɔ̃kun tem burenɔ.

⁷Wunɑ ɑ dɑm mɔ. Kɑ dɑm mɛyɑ ɑ kɑ ɡuunu swĩi nin ɑyenɔ.

⁸Wunɑ ɑ rɑ nim wɔ̃kun wɔkinu mɑrisie, kpɑ ɑ ɡen nim kurenu yɔ̃rɑsiɑ. Mɛyɑ ɑ rɑ mɑɑ tɔmbun wurenu kpeesie.

⁹Hɑnduniɑn ɡoonu nnɛ sɔɔ, tɔmbu kpuro bɑ wunɛn sɔm mɑɑmɑɑkiɡinu nɑsie. Wunɛ wi ɑ rɑ sɔ̃ɔ yɑri yeruɡibu kɑ sɔ̃ɔ duu yeruɡibu nuku dobu wɛ̃.

¹⁰Wunɑ ɑ rɑ tem nɔɔri, kpɑ ɑ mu nim yɛ̃kɑ mu n kpɑ̃. A rɑ mɑɑ de mu n dukiɑ mɔ. Gusunɔ, wunɛn bwiɑ yɑ nim yibɑwɑ. Mɛyɑ ɑ rɑ kɑ tem dwiiyɑsie, kpɑ dĩɑnu nu wɑ nu kɑ kpi.

¹¹A rɑ ɡberun kpĩin tem kusɑnu kɔsuku kpɑ ɑ nu nim yɛ̃kɑ. A rɑ mɑɑ de ɡurɑ yu nu dwiiyɑsiɑ mɑm mɑm, kpɑ ɑ ye bɑ duurɑ mi domɑru kuɑ yu kɑ kpi.

¹²A rɑ dewɑ wɔ̃ɔ ɡu tore kpɑ ɡu kpe kɑ wunɛn durom, kpɑ deburɑ n wɑ̃ɑ mi ɑ sɑrɑ kpuro.

¹³Debu te, tɑ wɑ̃ɑwɑ kɑ kpɑrɑ yenɔ, mɑ nuku dobu nɔɔrɑmɔ ɡuunɔ.