Uyakubu 1

1

2

3

4

5

¹Yakubu urere Asere nan u yeso ugomo Asere uhana tilem ukrau intire sa wa samirka a nyimo uneh, in iso shi.

²Anu henu um inka imum iburi ya kem shi kurzon ini imum ya puru arum.

³irusa inka u inko iriba ishi wa nya shi ure aje a bizinsizi me, u eze inni riba ihu.

⁴Na u inko iriba u mwincika ka tuma ka meme, barki e maza u eze sarki udira ire imum.

⁵De sa ma dira urusa a nyimo ashi me, na ma iki a hira ugom Asere, de sa ma nyiza kon de avi timum kan, mada gwara ba, adi kuri a nya me.

⁶na ma iki inni riba ka indai sarki maay, unaa maaye mazi kasi bironkomi bini win ni dang sa upebu ugido me ukuri uzuro me.

⁷Kati unu uginome ma inki iriba madi kabi ire imuim ahira ugomo Asere.

⁸Uni iriba kare mani sa mada turi a hira a indai ba .

⁹Na unu udira ma vavi bigiri a nyimo ani nonzo nimeme.

¹⁰Unu ukem a nyimo usizikime umeme, kasi iburi ukwe idi mari

¹¹. uwui udi suri gbanyaya nan upebu, iburi ike i zarika, urii me udi mari, anime ani unu kem a nyimo a tanu ti meme.

¹²Unu ugongon mani dee sa matira irba umansa, inka mare umansiza me, udi nya me ni ere ni venke uge sa Asere a inko an dee sa wa zinni soo umeme.

¹³Kati dee sa a mansa me magu Asere ani a mansa me, Asere ada manza me ini mum iburi ba, me inni ce nimeme mada manza unu ba.

¹⁴Ko uya unu adi mansa me uganiya sa mgwei ma je mahunguko me, ma wuna me nibarda.

¹⁵Uganiya sa mgwei maje ma wuna gbardang madi yoo madini, madini inka ma wuna gbardang madi eh inni wono.

¹⁶Anu henu um kati arangi shi.

¹⁷Kondi uya u aye urizo unu nan kodi ya imum sa a nya we ya ya suro azesere ani, izinni tuzo a hira aco uma saa, ada ke a gamirka ba.

¹⁸Ugomo Asere ma zaukan ma yon duru a hira a tize ti meme ti kadure barki ti cukunop uhira utuba utimum ti meme.

¹⁹Anu henu um, sa izinnu suu uwe, ya wuna urii konde avi ma cukuno unu debe ukunna, azo unu debe ubuka utize nannu nu ukuna iriba debe.

²⁰Barki ucara iriba inu ida hanan me uwuza imum iriri ya Asere.

²¹Cekini wuza imum izenzeng a nyimo ugogoni in kabi tize be sa amu nuka a nyimo tuzo unice ikabi tize tiginop me sa a bira a muriba mushi me, ti ge sa tida ke ti han shi uhana ubura .

²²Cukunoni anu wuza utize ta Asere, azo anu kunna casiba, izinnu ranga ace a shi.

²³Vat deesa ma kunna tize me cas mada wuza katuma niba mazi kasi deesa ma hira muhenu mu meme a magani.

²⁴Uganiya sa ma hira a hira me, madi perke me uzina umuhenu mu meme sda muzi.

²⁵De sa ma hira memerum, ma rusi bi hoo bi tize ti gino me sa bi nyiza ni kara, adi nya me ukalum.

²⁶De sa ma zika nice nu me unnu tarsa Asere, mada wuza katuma inni lem nume ba, ma ranga irba imeme, mazo unnu taersa Asere ba.

²⁷Tize ta asere ti riri tu zatu corno me ta zige me, a hira Asere aco aru unu maka gunguzuno a hana udiran aka coo nan anne udra aruma anyimo ti cukum tini unu, unju ma impi nice nui meme a nyimo uneh umadini.