Soũↄ 17:8-15

⁸Laaidↄa lá ń wɛ́bɛsianawa, ní ma sↄlↄ n kúlukulunau.

⁹Ma si gbɛ̃vãi pↄ́ aaì ĩadaaↄwa, ma ibɛɛ pↄ́ liaamazipiↄ.

¹⁰Aali gbɛ̃e wɛgwao, an lɛ́ ì yↄ̃̀ↄ yã'o.

¹¹Aa pɛ̀lɛmazi aa lìamazi, aa wɛbìia kɛ́ aa e ma pã́lɛ zĩ́lɛ.

¹²Aa ye ma taitai lán nↄ̀ↄmusu nↄandɛnawa, lán nↄ̀ↄkusi pↄ́ naalɛa gusaɛnawa.

¹³Dii, fɛlɛ dańlɛ, ní ń kwɛ́, ma si gbɛ̃vãipiↄwa ń n fɛ̃ndao,

¹⁴ma bↄ gbɛ̃́piↄ ↄzĩ ń n gbãao. An baa ku dṹniaɛ bee guu, an àizɛɛ ìↄ dińzi, an nɛ́ↄ ì kã́, aaì pↄ́ pↄ́ fɛ̃̀ↄ kálɛ ń nɛ́piↄnɛ.

¹⁵Má wɛsinlɛ ma nↄ̀sɛmaa yã́i, tó ma n e ma vugↄↄ, bee a mↄa.