San Lucas 8:41-54

⁴¹Ábati liábin ában wügǘri gíriti Jáiro, le ábanbei jádaangiñe tábutigu jalígilisin juríu, ába lájuduragun lubádu lugúdi Jesúsu, ába layúmuragun lun lun lídin lúbiñe,

⁴²ladǘga ában rügǘñoun liraǘ, queí buri dúusu irúmu táu, toúwe. Dan le lídinbei Jesúsu, ába jafálaruni sarágu gürígia darí lun jámurudaguni.

⁴³Ñíñounti ában wǘri jádan, dúusu irúmu táu láu lésejan jítaü tídaangiñe. Gásta táali sun tiseínsun jawágu surúsiagu, siñá jamutu areídaguagüda.

⁴⁴Ába tayárafadun lun Jesúsu lanágangiñe, ába tagúruruni táru lanáangun, lídan méme óra ligía ába tareídagun.

⁴⁵Ábati laríñagun Jesúsu. —¿Ca agúrurubei nuágu? Quei sun lan jagía aríñaga luágu magúrurúnwa lan luágu, ába laríñagun Pédro jáma líbirigu. —Maésturu, murúgu wañátia ya lurúma jíbe gürígia, ¿álügüdajagidibu ca lan agúrurubei buágu?

⁴⁶Ába laríñagun Jesúsu. —Gurúwaali nuágu, ladǘga sandí numuti luágu areídaguagüdaadina lan gürígia láu nubáfu.

⁴⁷Dan le tasúbudiruni wǘri tugúya luágu subúdiwaali lan, aba tiábin adádagareina, ába tájuduragun lubádu lugúdi Jesúsu, ába tagúfeserun lun jagíbugiñe sun gürígia ca lan lébubei tagúrurun luágu áni ába lan tareídagun lídan méme óra ligía.

⁴⁸Ábati laríñagun Jesúsu tun. —Niraǘ, areídaguaadibu ladǘga bafíñerun nuágu. Beíba darángilañu.

⁴⁹Ñígili Jesúsu adímureja, ligía lachǘlürün ában lúbiñegiñe Jáiro, ába laríñagun lun Jáiro. —Jilá biraǘ, mebéresejadügüyabá lun Maésturu.

⁵⁰Dan le lagáambunbalin Jesúsu le, ába laríñagun lun. —Manúfudedabá, afíñerügübá, ábame tareídagun biraǘ.

⁵¹Dan le lachǘlürünbei Jesúsu lúbiñoun Jáiro, mígirunti lun jebélurun ámu lúma lueídügüya Pédro, Jacóbo lúma Juan jáma tagǘbürigu irájü tugúya.

⁵²Jayájuña sun ja ñíbaña tárigi, ába laríñagun Jesúsu joun. —Mayájua jumá, moúnwentu, tarúmugarügüña.

⁵³Ába jéjerajan láu ladǘga subúdi jamáni luágu jilá tan.

⁵⁴Ábati lárügüdüni Jesúsu tújabu, ába laríñagun láu umálali jéreti. —Irájü, sarába.