SAN LUCAS 14:9-16

⁹Ndete che tihca̱ ne, ura che a va ne ne, ca̱hma ihyan che va̱co me co ye ndih: “Cuavi ne ta̱n, cuhnde amigo yáhn.” Tuhme cora vedecuihno yahn ne, ne necuan ne ca̱hn ne cuhnde ne na̱n che rahte ihyan che denda̱h ye.

¹⁰Cuahn che ya̱hve ihyan ndih ne, tahque ndah cuahn ne, cuihnde ne na̱n silla che rahte ihyan che denda̱h, ne cuahn che nda̱ ihyan che va̱co ne, ca̱hma ye nduco ne: “Amigo, cuihnde na̱n silla mena̱n.” Tihca̱ quenda̱h yavena̱n ne na̱n ihyan che vate ye min.

¹¹Tihca̱, te ihyan che rendeva ma̱n ye yavena̱n ye ne, nuhnde ndiya ye, ne ihyan che necun ye ne, cona̱n ye.

¹²Namin ra̱hn Dihvo vo nduco sa̱hn fariseo che va̱co me: ―Cuahn che yahve ihyan ca̱va che cah, cheh ye ne, hua yahve amigo yehn ma̱n, dihne ma̱n, ihyan yehn ma̱n, ihyan cuihca che vate ye nino ndevaque ma̱n, te ihyan chahn ne, co nda̱hco menun ye yehn.

¹³Cuahn che cah, cheh ihyan ne, tahque ndah coyahve ihyan cheva̱h ma̱n, ihyan che ndi cheche ye ma̱n, ihyan che cueh ca̱h ye ma̱n, ihyan che ve na̱n ye ma̱n.

¹⁴Ndete che tihca̱ din ne, ndah ro yehn, te ihyan chahn ne, hua co nda̱hco menun ye yehn. Ate cuahn che ndedetuhche Dendiohs tena̱hn che ndah ihyan ye na̱n ye ne, ro min nda̱hco menun Dendiohs yehn.

¹⁵Chihnevan a̱ma sa̱hn che nduco se va se reh se, ne ra̱hn se ri se Dihvo vo: ―Ndah ro yahn ihyan che cuahte ye cheh ye na̱n che rihquentiyon Dendiohs.

¹⁶Tuhme nte Dihvo vo ejemplo cuh: ―A̱ma ihyan ne, ya̱hve ye a̱ma ya̱hn se che ca̱hn se cheh vino se ndeva̱co ye.