9ኔናኔ ኣኔ ፄሳዌ ዪዴ፥ ‹ሃዎ፥ ኡቱዋ ኣው ዬዳ› ያጊና፤ ሄዎዲያን ዬላታዴ ፃዴና ዴዒያሳን ኡቱዋ ዶማሳ፤
10ዬዉዋን ቃሲ ኔኒ ፄሴቶ ዎዴ ኔና ፄሶዌ ዪዴ፥ ‹ታ ላጌው፥ ኪሊ ꬎቃሳን ኡታ› ጋና ማላ፥ ባዴ ኡባፔ ሆካሳን ኡታ፤ ሄ ዎዴ ኔናና ኢቲፔ ኡቴዳዋንቱ ኡባቱዋ ሲንꬃን ኔው ቦንቹ ኢሜታናዋ፤
11ባሬ ሁጲያ ꬎቁ ኡዲያ ኡባይ ቶሼታናዋ፤ ባሬ ሁጲያ ቶቺያዋንቱ ꬎቁ ጊኖ» ያጊ ሌሚሱዋ ኡንቱንቶ ኦዴዳ።
12ዬሱሲ ባሬና ፄሴዳዋ ዛሪዴ፥ «ኔኒ ላፃ ዎይ ካዉዋ ጊጊሴዳ ዎዴ፥ ኔ ላጌꬃቱዋ ዎይ ኔ ኢሻቱዋ ዎይ ዱሬ ኔ ሾራቱዋ ፄሶፓ፤ ኣያው ጎፔ፥ ኡንቱንቱ ኔና ባሬንቱ ታራን ፄሲዴ ኩሺያ ጪጋና ዳንዳዪኖ።
13ሺን ኣታሊያባ ጊጊሴዳ ዎዴ፥ ሂዬሳቱዋ፥ ጉንዳቱዋ፥ ዶማቱዋኔ ቆቃቱዋ ፄሳ።
14ኡንቱንቱ ኔው ኩሺያ ዛራናው ዳንዳዬናዋንታ ጊዲያ ዲራው፥ ኔኒ ኣንጄታናሳ። ፂላቱ ሃይቁዋፔ ዴንዲያ ዎዴ ፆሳይ ኔው ኩሺያ ዛራናዋ» ያጌዳ።
15ዬሱሲ ሃሳያ ዉርሲያ ዎዴ፥ ቁማ ማናው ኡቶ ኣሳፔ ኢቱ ሃዋ ሲሲዴ፥ «ፆሳ ካዉቴꬃ ጋዪታን ኡቲያዌ ኣንጄቴዳዋ» ጌዳ።
16ዬሱሲካ ሃዋዳን ጌዳ፤ «ኢቲ ቢታኒ ዳሮ ሎዖ ካዉዋ ጊጊሲዴ፥ ጮራ ኣሳቱዋ ፄሴዳ።