San Lucas 14:9-16

⁹chiꞌchi dxieꞌbiiga bwiinn nin baguhn yiꞌh zee luꞌh saaꞌ nnaa ba loh luꞌh: “Badiꞌhi yagaxiyi ca soobaa bwiinn riiꞌ”, ya chiꞌchi gaziꞌxtuhyi luꞌh chesoobaa luꞌh luulchima yagaxiyi nin zuu rwaaꞌ jwehra.

¹⁰Mahziru bwen, chin guiduꞌhun luꞌh guzee luꞌh tuhbi saaꞌ, soobaa luꞌh tuhbi yagaxiyi nin zuu luulchimatiiꞌ tin chin gadzihn bwiinn nin gudihdxyi yiꞌh zee luꞌh saaꞌ, nnaa ba loh luꞌh: “Xamihguꞌhn nezii gudiiꞌdxi sobanee luꞌh bwiinn raꞌ riiꞌ tin yagaxiyi riiꞌ nin mahzi lasahca.” Ya ziꞌchi gacalasahca luꞌh loh raꞌ bwiinn nin rii loh mweella,

¹¹tin bwiinn nin rdxiꞌhyi xa gacalasahca ba mejor raziꞌxtuhyi ba delaanta loh raꞌ bwiinn, ya bwiinn nadoꞌlaaꞌdzi nahpa rahcalasahcaru ba nezloh raꞌ bwiinn.

¹²Rahbiza Ñiꞌh loh bwiinn nin baguhn laꞌh Ñiꞌh zee Ñiꞌh saaꞌ: ―Chin nuu luꞌh lligaaba guunn luꞌh tuhbi guelwahw zaꞌca, ayi gaguhn luꞌh nin rchaꞌga luꞌh nin bwihtsi luꞌh nin lasaaꞌ luꞌh nin xpisihn luꞌh nin rricu tin ayi laꞌraꞌba guibiaꞌgarii cwiidxyi raꞌ ba yiꞌh chetahw luꞌh guelwahw yihdzi raꞌ ba, ya nin bagaaꞌda luꞌh galoh laꞌngahlla gahca.

¹³Mahzi bwen chin guunn luꞌh tuhbi guelwahw zaꞌca gaguhn luꞌh bwiinn dxyihdxyi cun bwiinn nin rahca loh Ñiꞌh,

¹⁴tin ziꞌchi dxiahxi Dxiohs laasii ayi nuu gadxilli bwiinn raꞌ chi nin gudahw raꞌ ba loh luꞌh per Dxiohs gahca gadxillin chin gabiaꞌgarii gabahan bwiinn zaꞌca nin guhchi.

¹⁵Chin gudiiꞌdxi dxiahga tuhbi nin zohba loh mweella, chiꞌchi rahbi ba loh Jesuhs: ―Dxiahxi duxa raꞌ bwiinn nin cwih raꞌ gahw loh mweella chin gaca lañih hasta rnabwaꞌ Dxiohs.

¹⁶Chiꞌchi rahbi Jesuhs loh ba: ―Guyuuꞌ tuhbi daada bwiꞌhnn ba tuhbi lañihrooꞌ rwaaꞌ yihdzi ba, chiꞌchi gunabwaꞌ ba biduꞌhun ziahan bwiinn nin ñatahw raꞌ guelwahw rwaaꞌ yihdzi ba,