Ruki 14:9-16

⁹Fu rade ruakuma e ije fu ja e inokiro kiamo ja vaeva ije fu keke kiako, Jani urina ume ijia karike e gare fu are ma ijia fino kiakuma jaka jaevekinu urike.

¹⁰Ijadufuo ja vakuma ni ume ijia kariga e ije fu kiamo ja vaema ije fu keke giake. Fu giga ja e anuigi binokuva fu kiaga ja sone uri fata maeje karike. Areme e boeje ruaeva bu ijia sone izege e ije fu ja aguariakinu rema ije gadufuo.

¹¹Ijadufuo maeje e besubesu erare fu korufuo abe e ireobo remo ije rade fuka una e isekube reke. Ro erare fu korufuo abe e isekube remo ije rade fuka una e ireobo rekono kiae.

¹²Areme rade Jesu fu uri e ije fu kuamo fu fuosiki ire ikiro vaema ijene una vua be ijiege kuarae. Fu kuae, A ve bino e kiaga bu aena ire ikuva ade kai one a oetuamo ijiakiro agane one ijene ro kuke e ije bu ire zaraeva ije kiaga bu ro aena ire ivo. Ijadufuo maeje e ijieki ije buka rade una ire one a vajiaema ijadufuo ve vajake.

¹³Ijadufuo a iro ikuma ni e ije ire baki ijiakiro e ae kirariaeva ijiakina e diakiro umui kiriaeva ro e ni kuzeki ije kiaga bu ro iro one ije sarevo.

¹⁴Ijadufuo a e ijieki ijene ijiege ifejiakuma aka rade oemaredufuo. Ijadufuo maeje e ije bu naebe manido bube una ire one ve vajadufuo. Rove fune Godire maza ije e maturaeva bu oeva bu una urivo ijia fu vame ma bino one rejakono kuae.

¹⁵Areme e be ijia buina fina ire ino ije fu vua ije fiena uri Jesu kuae, Na vierafe e ije erarebe bu Godido Are sanaema ijia karina ire idufuo ije buka oemareno kuae.

¹⁶Fu ijiege kuaramoga Jesu fu una vua be ijiege mena kuarae. Fu kuae, E be fu iro ikiro ire boeje kanafuima areme e boeje kiamo bu iro ije sarei.