SALMOS 86:12-17

¹²Dot ḻaža'a wká'n ẕenkza' Le', X̱ana' Dios, na' wká'n ẕenkza' La la'y chekzo' Le' to chi'ize,

¹³dan' žeyache' ḻáže'tezlo' neda', na' besló' be' da' nakkza' ḻo yi' gabíl.

¹⁴X̱ana' Dios, benne' ka' ẕka'n ẕen kwíngake' ẕdíḻ-ḻengake' neda'. Zej nake' benne' yichj ža'a ka', na' žénegekle' gótgake' neda', na' bi ẕžébegake' Le',

¹⁵san Le', X̱ana' Dios, žeyache' ḻáže'lo' neto'. Nako' ẕen ḻaže', na' bi ẕžo'o to chi'ize, san žeyache' ḻáže'tezlo' neto', na' nako' dot ḻi ḻaže'.

¹⁶Bwia kan žak chia', na' beyache' ḻaže'l neda'. Benn neda' yeḻa' wak chio', neda' wen žin chio', na' wdape chi'i neda', ẕi'n no'le wen žin chio'.

¹⁷Bḻoe'el neda' to da' gak bian' gak chawe' chia', na' ben ga benne' ka' bi ẕḻé'egekle' neda' chawe' ḻé'egeklen', na' yedoé'egekle', dan' Le', X̱ana' Dios, gókḻenkzo' neda', na' beyón ẕeno' neda'.