YƐSÃÃ 86:12-17

¹²N Yiɛ̀ nKuyie n yó ndɑ sɑ̃ntímu nɛ̀ n yɛ̀mmɛ̀ mɛmɔu, n yó ndɛ́úkùnkomu ɑ yètìrì sɑ̃́ɑ̃̀.

¹³Kɛ yɛ̃́ ɑ sɑ̀ɑ̀ ndɛumɛ̀ n yĩ́nkɛ̀, kɑ̀ɑ dɛɛtɛ́ n wɛ̃nnì kɛ́ n dennɛní kudɔnkù.

¹⁴Kuyie, sipɔɔ yɛmbɛ̀ bɛɛ̀ n dintɛ́, bɛnitiyonkubɛ bɛɛ̀ m munnɛ́ kɛ bo n kuɔ bɑ́ bɛ̀ í dɑkɛ ɑ kpɛ́í.

¹⁵Fɔ̃́ nti Yiɛ̀ nKuyie nhɑ sɑ̀mu kɛ mɔkɛ onìtì kó mɛsémmɛ̀. Kɑ̀ɑ miɛkɛ boo kɑ̀ɑ dɔ́ onìtì mɛdiɛ̀, kɛ tú timɔ́mmɔnti yiɛ̀.

¹⁶Wɛ̃ɛ̃tɛní m bíɛ́kɛ̀ kɛ́ n kuɔ́ mɛsémmɛ̀, duɔ́ mmí nhɑ kóo tɔ̃ntì muwɛ̃rímú, n dɛɛtɛ́ mí nhɑ kóo nitipotɔ̃ntì birɛ.

¹⁷Dɔɔ̀ tidiɛtì n kpɛ́í tìì bɛnkú ɑ n dɔ́mɛ̀, kɛ̀ n dootitɔbɛ̀ɛ yɑ̀ kɛ̀ ifɛi bɛ̀ pĩ, N Yiɛ̀ nKuyie n teennɛ̀ kɛ nɑ́ríkùnnɛ n yɛ̀mmɛ̀.