SALMOS 50:15-18

¹⁵Huan technojnotzaca quema anmotequipachohuaj, huan na nimechmanahuis huan amojuanti antechnextilise miyac tatepanitacayot.”

¹⁶Pero Toteco quinilhuía masehualme cati amo cuajcualme: “Amo anquipiyaj tequiticayot para ancamanaltise ten nopa camanal sencahuali, cati quiijtohua cati nimechmacas, yon amo hueli antepohuilise notanahuatilhua.

¹⁷Pampa amo anquicaquij quema nimechtacahualtía, yon amo anquichihuilíaj cuenta nocamanal.

¹⁸Quema anquiitaj se tachtejquet, anmohuampochihuaj ihuaya, huan nojquiya anmohuicaj inihuaya cati quichijtinemij ten hueli ica cati amo inintahuical.