Salmo 50:15-18

¹⁵Mankararag kayon sak-en sin timpon di ligat yo, isalakan kos dakayo et omidaydayaw kayon to.”

¹⁶Ngem sin mangam-amag si lawa, kanan Diyos Apo, “Magay lebbeng mo ay mangibagbaga sin bilbilin ko ya mangidaddad-at sin intolag ko,

¹⁷tan din pamagbagak yan kaliliget mo, din kalik yan adi kan ikaskaso.

¹⁸Mo way ilam si mangakew yan makigayyem ka ya makikadwa ka sin makikamkamalala.