SALMOS 26:1-8

¹Bchi'a ḻaže' neda', X̱ana' Dios, dan' bena' da' naken chawe'. Bx̱en ḻaža'a Le', X̱ana' Dios, na' bi gok chop ḻaža'a.

²Bwíakze ḻáẕda'wa', X̱ana' Dios, na' bwia dan' bena'. Bwíakze da' yo'on yichj ḻáẕda'wa'

³dan' žákbe'ela' žeyache' ḻáže'lo' neda', na' žona' ka nak da' naken dot da' li chio'.

⁴Bi na' gona' tẕen benne' ka' žóngake' da' chawe' ḻáwzele. Bi na' gona' toze benne' ka' ẕḻoé'ezele chawe' kwíngake'.

⁵Bi ẕḻe'ela' chawe' latje gan ẕdobgak benne' ka' bi zej nake' chawe', na' bi žoa'a tẕen ḻen benne' ka' žóngake' da' ẕia.

⁶Ẕḻe'elo' bi be ẕia nbaga'a, na' wak biga'a ḻo bkog la'y chio', X̱ana' Dios,

⁷gan goḻa' da' ka' we ḻawa'a Le', na' wzenla' benách ka' ka nak da' ẕen da' beno'.

⁸X̱ana' Dios, nži'ila' ližo' gan zo', na' latje la'y gan nḻa' ḻaw yeḻa' ẕen chio'.