Pesalem 26:1-8

¹O Apômtau, nêm mêtôc êwaka aê sa gebe gawê biŋ ŋakaiŋ teŋ atom gebe aê kasa ŋoc lêŋ laŋôcnêm sawageŋ to taêc kêka aôm ŋaŋêŋgeŋ.

²O Apômtau, ônsaê aê ma ôjala aê. Ômbêlêm ŋoc ŋalêlôm e ômbi lêtêŋ.

³Gebe nêm têmtac gêwiŋ teŋgeŋŋa gêjac aê matoc su gedeŋ tôŋgeŋ ma kasa nêm lêŋ ŋaŋêŋ ŋapaŋ.

⁴Aê gaŋgôŋ gawiŋ lau kesowaga atom. Ma gajac biŋ ôkwi gêdêŋ kalomtêna atom.

⁵Aê gadec secwaganêŋ sêkac tauŋ saŋa to gajac jaê lau geowaga.

⁶O Apômtau, aê kakwasiŋ lemoc ŋabiŋ masigeŋ. Ma kasêlêŋ kagi nêm altar amboac tonaŋgeŋ tec gamoa.

⁷Gebe janam daŋge aôm ŋa aoc kapôêŋ Ma jasôm aômnêm gêŋsêga samob ŋawae lasê.

⁸O Apômtau, aê têtac gêwiŋ nêm andu ŋamala, gamêŋ taŋ nêm ŋawasi gêjam auc naŋ.