Buk Song 26:1-8

¹Devit i raitim dispela song. Bikpela, yu kolim mi stretpela man. Long wanem, mi save mekim stretpela pasin, na mi bilip olgeta long yu.

²God, traim olgeta pasin bilong mi. Na skelim bel na tingting bilong mi.

³Yu save marimari long mi na yu stiaim mi oltaim. Yu save go paslain long mi oltaim na yu no save lusim mi.

⁴Mi no save raun wantaim ol man nogut. Mi no save wokabaut wantaim ol man bilong giaman.

⁵Mi no save laik tru long raun wantaim ol man nogut. Mi save abrusim ol.

⁶Bikpela, mi wasim han bilong mi bilong soim yu mi no gat rong. Na mi wokabaut raunim alta bilong yu, na mi lotu long yu.

⁷Mi mekim olsem, na mi singim wanpela song bilong tenkyu long yu, na mi tokim ol manmeri long ol gutpela wok yu bin mekim.

⁸Bikpela, mi laikim tru haus bilong yu, em dispela ples biknem bilong yu i stap long en.