Psalm 26:1-8

¹Psalm lal David O LEUM GOD, akkalemye lah wangin mwetik, Mweyen nga oru ma suwohs Ac nga lulalfongi kom ke insiuk nufon.

²Tuniyu ac srikeyu, LEUM GOD; Liye insiuk ac nunak luk.

³Tuh lungse kawil lom atolyu; Ac oaru lom kolyu pacl e nukewa.

⁴Nga tia asruoki yurin mwet lusrongten; Wangin ip luk yurin mwet wosounkas.

⁵Nga tia lungse asruoki nu sin mwet koluk, Ac nga fahsr liki mwet sulallal.

⁶LEUM GOD, nga ohlla pouk in akkalemye lah nga nasnas na, Ac nga fahsr rauni loang lom.

⁷Nga yuk soko on in sang kulo, Ac nga fahkak ke orekma wowo lom nukewa.

⁸LEUM GOD, nga lungsik lohm su kom muta we, Acn su wolana lom oan we.