SALMOS 20:2-8

²Hasta campa yaya itztoc ipan ichaj, ma quititani tapalehuili cati quisa ten altepet Jerusalén.

³Ma quielnamiqui nochi motacajcahualis cati tijmacatoc. Ma moilhui ten nopa tacajcahualisti cati tijtati iixpa huan cati yaya quiseli ica paquilisti.

⁴Ma mitzmaca nopa cati moyolo quinequi. Ma quichihua ma quisa cuali nochi cati timoilhuijtoc tijchihuas.

⁵Quej nopa tojuanti titzajtzise ica paquilisti pampa ta titatantoc, huan tijtananase banderas ica itoca Toteco Dios pampa mitzpalehuijtoc. Quena, TOTECO ma mitzmaca nochi cati tijtajtanijtoc.

⁶Cuali nijmati para TOTECO nechmaquixtía niitanahuatijca cati nechtapejpenijtoc. Hasta ten nepa ilhuicac campa nelía tatzejtzeloltic nechhualpalehuijtoc, huan nechchihua ma nitatani ica ichicahualis.

⁷Masehualme ipan sequinoc talme motemachíaj ipan inincarros huan inincahuayojhua para momaquixtise quema onca tatehuilisti. Pero tojuanti timotemachíaj ipan TOTECO toDios.

⁸Inijuanti taijyohuise huan huetzise, pero tojuanti timotananase huan noja tijpiyase fuerza.