Salmos 20:2-8

²Dxenaba' Le̱' naga zue̱' lataj lá'azxa chee̱' sel-le̱' da gácale̱ na lue', ne chee̱ xi'a Sión xide̱' guxre̱' lue'.

³Dxenaba' Le̱' cheajsá lazre̱' ca naca xúgute̱ guna' bzu' chee̱', ne si' lu ne̱'e̱ béadu ca' dxuzezxu' lawe̱'.

⁴Dxenaba' Le̱' gunne̱' lue' ca naca da dxezá lazru', ne gune̱' xúgute̱ da dxéquenu' xrlátaje.

⁵Béle̱'e̱ntu' gate guselé̱' lue', na' chísantu' tu da gulé'e lawe na La Dios chee̱dxu. Dxenaba' Xránadxu gunne̱' lue' xúgute̱ da dxenabu' lau Le̱'.

⁶Na'a nezda' dxuselá Xránadxu bénnea' ba gucá'aqueze̱'. Naga zue̱' xabáa lá'azxa chee̱' xenne̱' chi'i bénnea'. Xel-la' waca zrente̱ chee̱' guselé̱' bénnea'.

⁷Bal-la benne' dxuluxrén lazre̱' carro ca' chee̱ wedil-la, na' xezícadxe̱' dxuluxrén lázre̱' bzrina' ca'. Dxi'u dxuxrén lázredxu La Xránadxu Dios.

⁸Benne' ca' gulate ni'a ne̱'e̱, ne xeajlechazie̱'. Dxi'u bexásadxu, na' ze̱dxu.