SALMOS 119:173-176

¹⁷³Ximocualtali para techmanahuis, pampa na nijtapejpenijtoc nijchihuas cati quiijtohuaj motanahuatilhua.

¹⁷⁴TOTECO, nijnequi techmaquixtiqui, pampa na san nimopaquilismaca ica moley.

¹⁷⁵Techcahuili ma noja niitzto para nimitzhueyimatis. Xijcahuili para motamachtil ma nechpalehui.

¹⁷⁶Na nimocuapolojtoc quej se pilborregojtzi, yeca xihuala para techtemoqui, pampa na amo niquelcajtoc para niquintepanitas motanahuatilhua.